Longueuil, Québec
vanuit Wikipedia, die vrye ensiklopedie.
Longueuil is 'n stad in die suidweste van die Franstalige Kanadese provinsie Québec met 348 091 inwoners (2001). Die stad met 'n oppervlakte van 273,52 vierkante kilometer lê aan die suidoewer van die Sint-Laurensrivier, teenoor Montréal, en is die derde grootste in Québec en die elfde grootste in Kanada.
[wysig] Geskiedenis
Die naam van die stad is afgelei van 'n Franse dorp naby die Normandiese stad Dieppe - die geboortedorp van Charles Le Moyne (1626-1685), seigneur van Longueuil. Die spelling van die naam is eintlik foutief, aangesien die Franse dorp as Longeuil bekend staan.
Longueuil het sedert die jaar 1920 stadstatus. In 1961 smelt Longueuil met die stad Montréal-Sud en in 1969 met Jacques-Cartier saam.
