Ebooks, Audobooks and Classical Music from Liber Liber
a b c d e f g h i j k l m n o p q r s t u v w x y z





Web - Amazon

We provide Linux to the World


We support WINRAR [What is this] - [Download .exe file(s) for Windows]

CLASSICISTRANIERI HOME PAGE - YOUTUBE CHANNEL
SITEMAP
Audiobooks by Valerio Di Stefano: Single Download - Complete Download [TAR] [WIM] [ZIP] [RAR] - Alphabetical Download  [TAR] [WIM] [ZIP] [RAR] - Download Instructions

Make a donation: IBAN: IT36M0708677020000000008016 - BIC/SWIFT:  ICRAITRRU60 - VALERIO DI STEFANO or
Privacy Policy Cookie Policy Terms and Conditions
Avignon - Wikipedia

Avignon

vanuit Wikipedia, die vrye ensiklopedie.

Uitsig oor Avignon met die Mont Ventoux in die agtergrond
Vergroot
Uitsig oor Avignon met die Mont Ventoux in die agtergrond

Avignon is 'n Suid-Franse stad in Provence met sowat 85 000 inwoners (2005). Die stad, wat teen die linkeroewer van die Rhône lê, is die prefektuur (hoofstad) van die département Vaucluse en staan veral vir sy bekoorlike ou stadskern met sy middeleeuse geboue en die indrukwekkende stadsmuur bekend, wat volledig bewaar is.

Avignon se brug oor die Rhône (die Pont St. Bénézet uit die 12de eeu) het wêreldbekend geword danksy 'n ou volkslied ("Sur le pont d'Avignon..." / "Op die brug van Avignon..."). Die oorspronklike brug is van hout gemaak en in die tydperk tussen 1171 en 1185 opgerig.

Net vier van die brug se 22 boë het bewaar gebly, die ander is tydens 'n vloedramp in die jaar 1660 verniel. Die brug is saam met die gotiese pousepaleis uit die 14de eeu deur die UNESCO as wêrelderfenis gelys.

Inhoud

[wysig] Geskiedenis

Avignon is oorspronklik 'n Kelties-Liguriese nedersetting uit die 6de eeu v.C., en sy vroeë naam Aoue(n)ion beteken of "Stad van die sterke wind" of "Heerseres van die rivier". Die eerste verwysing na Avignon (as Avenio) dagteken uit die 2de eeu v.C.. In die jaar 48 v.C. word Avignon 'n Romeinse kolonie.

Die pousepaleis (Palais des Papes)
Vergroot
Die pousepaleis (Palais des Papes)

In die 3de eeu huisves Avignon 'n Christelike en 'n Joodse gemeente. Die Wes-Gote en Boergondiërs verower en verwoes die stad in die 5de eeu. Vanaf die 6de eeu maak Avignon deel uit van die Frankiese Ryk.

Moslem-seerowers uit die gebied van die huidige Algerië plunder die stad in die 10de en 11de eeu verskeie kere, en eers daarna begin Avignon danksy die groeiende handelsverkeer ekonomies opbloei. As 'n deel van die graafskap Provence kom dit onder die heerskappy van die Heilige Romeinse Ryk.

Die plein voor die pousepaleis
Vergroot
Die plein voor die pousepaleis

Tydens die 12de eeu slaag die stad daarin om selfregerend te word en huisves 'n groot Kathaarse gemeente. Hiervoor is Avignon tydens die kruistogte teen die Kathare in die jaar 1226 met die verwoesting van sy versterkings gestraf. Bowendien is die stad se selfregerende status in 1246 deur Karel van Anjou herroep, wat Avignon vervolgens deur sy amptenare laat bestuur. Bonifacius III stig in die jaar 1303 die universiteit van Avignon. Met pous Clemens V se verhuising na Avignon begin in 1309 die sewentigjarige ballingskap van die pousdom in die stad. Hy word opgevolg deur sewe pouse en verskeie teenpouse, wat eweneens hier resideer en almal onder die sterke invloed van die Franse konings kom.

Pous Clemens VI koop die stad op 12 Junie 1348 van Johanna I, koningin van Napels, tydens sy ballingskap in Avignon as sy residensie.

Die ballingskap van die pousdom en die aanwesigheid van die pous se hofhouding met sy groot finansiële bates bevorder die ontwikkeling van Avignon se ekonomiese lewe, en ook baie kunstenaars verhuis na die stad. Avignon se bevolking groei van 15 000 tot 50 000 inwoners. Die nuwe brug oor die Rhône, die pousepaleis en talle pragtige huise van kardinale en kerklike amptenare dateer uit hierdie tydperk.

Ook na die terugkeer van die pouse na Rome in die jaar 1367 bly Avignon 'n besitting van die pousdom en word eers in 1791 by Frankryk ingelyf.

[wysig] Besienswaardighede

Die brug van Avignon
Vergroot
Die brug van Avignon
  • Die Pousepaleis in die gotiese boustyl, wat soos 'n vesting lyk, is in die tydperk tussen 1334 en 1352 opgerig. Met 'n oppervlak van sowat 15 000 vierkante meter is dit een van die mees uitgestrekte middeleeuse kastele ter wêreld en 'n mooi voorbeeld van die destydse praktyk om militêre, politieke en godsdienstige argitektuur in een gebou te verenig. Die ou en nuwe deel van die paleis toon die verskillende karaktertrekke van pous Benedictus XII (1334-1342), wat 'n eenvoudige, kloosteragtige saal vir die konklave laat bou het, terwyl Klemens VI (1342-1352) vir sy Nuwe Paleis die voorkeur aan 'n luukse boustyl gegee het. Die Klementynse Kapel, oudiënsiesaal en slaapkamer van hierdie pous wys ook sy lewenstyl.
  • Die beroemde brug van Avignon verwerf deur 'n volkslied uit die 12de eeu bekendheid. Sy "amptelike" naam - Saint-Bénézet-brug - is volgens die oorlewering afgelei van die heilige Bénézet, wat die brug tussen 1177 en 1185 laat oprig het. Die brug met 'n lengte van sowat 900 meter verbind destyds die "gebiede van die keiserryk" met dié van die "koninkryk". Net vier van die oorspronklik 22 boë het behoue gebly, en op een is 'n kapel van die heilige Nikolaas opgerig. As gevolg van oorlog en oorstromings is die brug talle kere ernstig beskadig, en tydens die 17de eeu is alle herstelwerk vir goed gestaak.
  • Die katedraal Notre-Dame-des-Doms is 'n kerk in die Romantiese boustyl van die 15de eeu, wat die grafte van die pouse Johannes XXII en Benedictus XII huisves.
  • Die indrukwekkende stadsmuur met 'n lengte van vyf kilometer en oorspronklik sewe poorte (tans is daar dertien) word tydens die pousdom van Innocentius VI tussen 1353 en 1360 begin en onder pous Urbanus V in die jare 1362 tot 1370 voltooi.

[wysig] Kuns en kultuur

Sedert die jaar 1947 tree Avignon tydens die laaste drie weke in Julie as die gasheerstad van die Festival d'Avignon met 'n groot aantal toneel-, dans- en musiekopvoerings op.

[wysig] Wynbou

Avignon is die sentrum van 'n belangrike wynbougebied en word as die hoofstad van die vrugtige Côtes du Rhône-wyne beskou. Die wynkelder van die Pousepaleis (Bouteillerie du Palais des Papes) staan oop vir besoekers.

[wysig] Eksterne skakels

Our "Network":

Project Gutenberg
https://gutenberg.classicistranieri.com

Encyclopaedia Britannica 1911
https://encyclopaediabritannica.classicistranieri.com

Librivox Audiobooks
https://librivox.classicistranieri.com

Linux Distributions
https://old.classicistranieri.com

Magnatune (MP3 Music)
https://magnatune.classicistranieri.com

Static Wikipedia (June 2008)
https://wikipedia.classicistranieri.com

Static Wikipedia (March 2008)
https://wikipedia2007.classicistranieri.com/mar2008/

Static Wikipedia (2007)
https://wikipedia2007.classicistranieri.com

Static Wikipedia (2006)
https://wikipedia2006.classicistranieri.com

Liber Liber
https://liberliber.classicistranieri.com

ZIM Files for Kiwix
https://zim.classicistranieri.com


Other Websites:

Bach - Goldberg Variations
https://www.goldbergvariations.org

Lazarillo de Tormes
https://www.lazarillodetormes.org

Madame Bovary
https://www.madamebovary.org

Il Fu Mattia Pascal
https://www.mattiapascal.it

The Voice in the Desert
https://www.thevoiceinthedesert.org

Confessione d'un amore fascista
https://www.amorefascista.it

Malinverno
https://www.malinverno.org

Debito formativo
https://www.debitoformativo.it

Adina Spire
https://www.adinaspire.com