כהן

פֿון װיקיפּעדיע

א כהן איז איינער וואס איז אן אייניקל פון אהרן הכהן משה רבינו'ס ברודער.

כהנים זענען די וואס דינען די עבודה אין בית המקדש.

זיי באקומען באצאלט מיט 24 מתנות כהונה וואס מען דארף זיי געבן, ווי למשל מעשר און תרומות.

היינט צו טאגס אפילו עס איז נישט דא קיין בית המקדש האבן זיי נאך אלץ ספעציעלע הלכות וואס זיי זענען באפוילן צו האלטן.

[בעאַרבעטן] כשרות פון א כהן

א כהן איז נישט כשר אויב עס האט א פעלער, ווי למשל בלינד אדער עס פעלט אים א האנט.
אויב ער איז א חלל, דאס מיינט אז ער איז א קינד פון א כהן וואס האט פארהייראט איינעם וואס ער טאר נישט.

[בעאַרבעטן] ספעציעלע הלכות

כהנים האבן ספעציעלע הלכות וואס זיי זענען באפוילן צו האלטן, צווישן זיי:

נישט פארהייראטן קיין גרושה, זונה, און חללה.

נישט זיך טמא מאכן צו א טויטע מענטש, סיידן דאס איז א טאטע, מאמע, ברודער, שוועסטער, ווייב, זון, אדער טאכטער. אויך פאר א טויטען וואס עס איז נישט דא ווער עס זאל דאס באערדיגן מעג זיך א כהן טמא מאכן.

מען דארף זיי געבן כבוד די ערשטע, פאר מען גיבט כבוד פאר א ישראל. למשל ביי ברכת המזון דארף מען זיי געבן די כבוד צו בענטשן.

[בעאַרבעטן] כהנים היינט

די ראלע פון א כהן איז אנגעזען היינט זייער אסאך.

זיי מוזן האלטן אלע אויבערדערמאנטע הלכות.

מען גיבט זיי כבוד די ערשטע.

מען גיבט זיי די געלט ביי א פדיו הבן.

זיי זענען די וואס בענשטן די יידן ביים דאווענען, און עס ווערט אנגערופן ברכת כהנים.

[בעאַרבעטן] כהונה אין די תורה

שם בן נח ווערט אנגערופן די ערשטע כהן אין די תורה.

עשו האט פארקויפט די בכורה פאר יעקב אבינו האט ער דערמיט אויך פארקויפט די כהונה, אזוי זאגט רש"י ווייל עס פלעגט גיין צוזאמען מיט די בכורה.

משה רבינו האט אויך געדארפט זיין כהן, אבער וויבאלד ער האט נישט גלייך געוואלט פאלגען וואס גאט האט אים געבאטן אז ער זאל גיין צו פרעה האט עס אהרן הכהן באקומען.

אהרן הכהן האט באקומען די כהונה און צוזאמען מיט אים אלע קינדער און אייניקלעך וואס ווערן געבוירן צו א זון.

[בעאַרבעטן] די ג'ין פון כהנים

גאנץ לעצטענס איז דאס אז כהנים זענען אייניקלעך פון אהרן הכהן באשטעטיגט געווארן דורך גענעטישע פרובען. מען האט געפונען אז זיי אלע האבן א ענליכע גענעטישע שטריך. מען האט דאס אויך גענוצט אויף צו באשטעטיגען אז געוויסע שווארצע שבטים וואס האבן געזאגט אז זיי שטאמען פון אידן האבן רעכט אזוי צו זאגן.