Rexhe waide

Èn årtike di Wikipedia.

Li rexhe waide (on dit eto: waide di tchvå, båbe di gade), c' est ene sôre di fenaesse, avou des grossès tiesses ki pout esse semêye come four.

• No e sincieus latén, Dactylis glomerata.

[candjî] Discrijhaedje del plante

C' est ene vicaesse fenaesse, ki pout crexhe 1 mete 20 hôt, foirt cortants dins les tchamps, les hourêyes, les bwès, les trîxhes.

Les foyes sont stroetes, et nén poyowes.

Li tiesse est fwaite di påtletes tertotes tournêyes do minme costé.

[candjî] Semaedje po do four

Li rexhe waide vént bén ene miete pattavå, sol castinne (Fåmene), come dins les les fagnes Zôrbrôte, u sol såvlon. Ele edeure li froed et l' setchresse. Mins dins ces mwais payis la, elle est bråmint pus rexhe, did la si no.

Ele vént l' mî ezès bons payis (payis d' Hêve), so des holès teres.

S' ele est semêye po fé ene waide, avou des ôtès fenaesses, ele ni vénrè bén kel troejhinme anêye. Semé å måss, ele rexhe ene des prumires. E (Roman Payis), ele pout ddja flori e moes d' djun. El fåt fåtchî a ç' moumint la, ca après, ele divénrè bråmint pus deure et rexhe et bwejhleuses.

Li four di rexhe waide est do bon four, ki fwit 50 UF ås 100 kilos setchs, mins, come les ôtès fenaesses, gn a waire di blandoû dvins (6 gr di sognantès proteyenes å kilo setch).

[candjî] Nos dins des ôtes lingaedjes

• Inglès : Orchard grass, cocksfood.
• almand Knaulgras
• Itålyin erba mazzolina