Trappist Westvleteren
From Wikipedia
De Trappist Westvleteren (oek wel genoamd 'Sixtus') is e streekbier ut West-Vloandern.
Inoud |
[bewerk'n] Wuk zin de sôort'n?
- Trappist Westvleteren Bloend (5,8 %)
- Trappist Westvleteren 8 (8 %)
- Trappist Westvleteren 12 (10,2 % )
[bewerk'n] Woa kujt koop'n?
De Trappist is olêne te kope in 't verkoopcenter van d'abdie Sint-Sixtus in Westfletern. Let op: de vroage is vele grodder dan 't aanbod. Sedert kort moeje belln vôor daj na d'Abdie komt: (+32) (0)57/40 10 57. Je ku ton maximum 3 bakk'n ofhoaln op de dag en 't eure daj ofgesproken et. Mêer details op de site van de poaters.
[bewerk'n] Woa kujt drink'n?
Ni in de cafés, wel thus. Want Westvleteren Trappist is ollene voe particuliern te kope. Iddr'n koper moet oek belov'n voe 't bier nie vodder te verkop'n. 't Bier ku je oek drink'n in 't ontmoetingscentrum 'De Vrede', rechte tegenover d'abdie. Doa ister oek een informoasjerumte woar daj mêer lêert over 't leven van d'abdiegemêenschap, over de geschiedenisse van de brouwerie en 't brouwproces.
[bewerk'n] 't Beste ter weireld!
Internationoale bierkenners die de Westvleteren ontdekt en, zegn da de Westvleteren 12 't beste bier ter weireld is. Dat is etwot woa da iddern Fleternoare, en bie uutbreidieng, iddern Westvloamink preus op meug zien. 't Noadêel is wel da olleman da bier nu wil proevn, en daj soms lange in de file meugt stoan voe ne bak te kriegn an d'abdie.
[bewerk'n] Oe moejt bewoarn e drink'n?
- Bewoart de flasjes verticoal op e doenkere plekke tusschn de 12 en 16 groad'n.
- E Trappist bluft joar'nlank goed: gèf 't bier de tied en 't riept vodder. De bloe'n moej wel rechtuut drink'n.
- De Acht en de Twoave ku je beter nie in de frigo zett'n. Mor e Bloen smakt gekoeld 't beste.
[bewerk'n] Externe koppelienge
Categories: Brouwer | Bier | Drank