Spagetti
From Wikipedia
Spagetti (Nederlands: spaghetti) is e sôorte droadn van dêegwoarn. Spagetti wos êest populair in Itoalje ("spaghetti" wil 't eigentlik zeggn "touwtjes"), moa nu kent hêel de weireld da.
Bie nus in Vloandern eet'n we da dikkers mè bolonaise sause (tomatte, andjoe, karoote, selderie, gekapt) en geraspte koas drip, moa die combinoasje kenn ze ni in Itoalië. Je kunt er oek e vegetarische sause bie eetn.
Macaroni, de dikkere variant van spagetti es oal langer bekend in Vloandren. Rond den oorloge oaten de minsen macaroni me brune suker, goekôop dus. Loater kwam de macaroni me stikses espe en un bechamel koassause populair. Da wird dikkers gegratineerd in den oven om der un schôon brun kostje ip te krigen.
t' Roare me spagetti es datter niemand goe weet oe dajje die lange slekken me manier'n moe ipeten en zonder dajje die slekken moe ipzugen zôdat nie rond jen ôren spit. Er zin de volgende methoden:
- Ne praktischen Vloaming pakt zin mes en sniet zêre n'poar kêren deur zin assiete zôda de slekken niet le lange mêe zin. Ton eet'ie vôder met zin ferchette allêne.
- En chiquere maniere es met lepel en ferchette: met de ferchette pak je wa spagetti, droait de ferchette met de kop in de lepel totdat er gêen lange slekken mêe losangen, en ton steek je't in je mond.
- D'Italioanen eten het lik de voarige maniere, moa zonder lepel: de ferchette wird ipgedroaid tegen d'assiette.
In Roeseloare eije Soubry, noast Anco, êen van de twee grôte Belgische dêegwoarnfabrikanten.