Noel Demeulenaere
From Wikipedia
Noël Demeulenaere is e Belgische politieker, zoakeman en koersmanager.
[bewerk'n] Polletiek
Noël Demeulenaere es en vroegern burgemêester van Wielsbeke. Anno 2006 is 'n nog OCMW-vôorzitter van Wielsbeke. En spreuke dat ie vele gebrukt: De beste vette es de kloefn van den boer. Noel Demeulenaere wos ôok e spilfigure in de beslissienge of da't Vlaams Belang voo het êest zou keun meeregeern (ip gemêenteniveau) deur de unieke situoatie achter de gemêenteroadsverkiezingn 2006 in Wielsbeke. Moa deur een overloper na de CD&V is die situoasje opgelost gerakt (19 december 2006).
[bewerk'n] Zoak'n
- Demeulenaere is de vroegern olgemêen directeur va textielgroep Beaulieu. Demeulenoare wos joarn lank de rechternand va Roger "Boer" De Clerck.
- Voe 't moment is Noël Demeulenaere verdacht van corrupsje. E zou van mensjen die aanvroagen dêjn bie AROHM ("Administratie Ruimtelijke Ordening", een overidsbedrif) geld gekreegn en. Mè da geld zoe Demeulenaere ambtenoarn omekocht ein. Op 7 april 2006 wos Demeulenoare anoun deur ne juge van Brugge.
[bewerk'n] Koerse
- Demeulenaere e vele geld en tid gestookn in de koers en vôorol joenge koereurs. 't Begoste in 1973 mè de ploeg Beaulieu-Flandria mè Freddy Maertens. Loater van tid wost'n ôok nog betrokk'n bie ploegen lik Collstrop, Palmans, Domo, ABX e Chocolade Jacques.
- Ôok op da gebied is Demeulenaere omstredn. D'êne noemn nem e mecenas, d'ander zeggn dat'n de OCMW is van 't peletong en dat'n zin joenge coureurkes utzuugt.
