Freddy Maertens
From Wikipedia
Freddy Maertens (Nieuwpôort, 19 februoari 1952) is e Vlamse coureur.
Freddy Maertens wos prof van 1972 toet 1987. 't Wos e goein sprinter en ie ad ongejôord vele macht.
[bewerk'n] Carrière
- Freddy Maertens begoste ze profcarrière bie Flandria. In de joar'n '70 wos dat êen van de sterkste ploeg'n in 't peletong. Tope mè Marc Demeyer en Michel Pollentier vormde Maertens de Drie Musketiers.
- Maertens wos een êeste kè weireldkampioen in 1976. In 1973 wosn't biekan. Moa 't wos boel tussche nem en Eddy Merckx in de finale, en ezo koste Felice Gimondi win. Sedertieje kwam et nôoit ne mè goed tusschen Eddy en Freddy.
- Freddy ed 3 kêers mèjedoan a 'n Tour de France en en ed osjeblief 15 etappen ewon. In iedern Tour wont'n de groen boai van 't punteklassement.
- In de Roende van Spâje van 1977 wosn leider van 't begun toet 't ende! En e won toen oek 13 van de 19 etapp'n.
- In de Roende van Italie van 1977 wont ie 7 ritten. Moa jammer genoeg is 'n gevoal'n. De breuke an ze pols wos 't begun van 't ende.
- In 1979 en 1980 won Maertens olêne nog moa kermeskoersen.
- In 1981 wos Maertens bie Boule d'Or olmettekè were beter, moa 't deurde niet lange. Da joar wont'n wel 5 etappen in de Tour. En in 't najoar wost'n voe de 2de kè weireldkampioen. In e sprint versloeg Freddy magistroal Beppe Saronni en Bernard Hinault, toch gèn sukkeloars.
- In 1987 stop'nde mè koers'n.
[bewerk'n] Trivia
- Vriend'n en vijand'n van Freddy noem'n nem oek soms "Lippe".
- In tiede van Freddy Maertens moestej kiezen: ofwel wos je fan van Freddy, ofwel van Eddy Merckx. 't Wos 't een of 't ander. En oek mè Roger De Vlaeminck adde Freddy dikkers ambras. In de Roende van Vloanderen van 1976 wilde Freddy ni oenderdoen voe De Vlaeminck. Ze zoat'n olletwieje in de kopgroep... e ze liet'n nunder uutzakken omda ze nie kust'n verdroag'n da d'n andere gink win.
- Freddy Maertens is ereburger van Middelkerke. E werkt voe 't moment (2006) in 't Nationaal Wielermuseum va Roeseloare.
- Op 't ende van juli 2006 a Freddy mèjedoan an de Gentlemenrace, e koers in Oalst voer oude koereurs. 's Anderdoags èn z'em moet'n wegvoeren no de klinikke: e wos slichtèkommen (ertekloppingn). J'oad em verzekers è bitje eforceerd e ni enoeg getraind.
