Gemêenteroadsverkiezingn 2006

From Wikipedia

Om de 6 joar goan de gemêenteroadsverkiezingn deure, woarbie da de minsn stemmn voo het lokoal niveau, zinde de gemêent'n. In 2006 weird'n de Gemêenteroadsverkiezingn gehod'n ip 8 oktober 2006. Voo de verkiezingn weird West-Vloandern in 8 arrondissementen ingedêeld. De gemêenteroadsverkiezingn zin olsan tôope me de provincieroadsverkiezingn.

[bewerk'n] Algemêne tendensen

De verkiezingn van 2006 weirden olgemêen gekenmerkd deur de deurbroake van het Vlaams Belang ip gemêentelik vlak. De partie ging over hêel Vloandern een 6.5% voorut, en da wos vôorol te wijt'n an de klêne gemêentn, want in de steed'n plaffoneerden ze, of gingn ze licht achteruut. De VLD wos de grôte verliezer van de verkiezing, terwijl da CD&V sterk en SP.a licht vôoruut gingn. Groen! verloor ôok lichtjes, moar wos toch content omda ze ten ipzichte van 2004 vôorut gingn.

In West-Vloandern woarn der ôok een oantal interessante ontwikkelingn: in Ostende es Jean-Marie Dedecker der nie in gesloagd om zin doel te bereik'n, noamelik de mjeerderheid breek'n. Zin verzet, tegen de lokoale partiestrategie in, teegn de soamenwerkienge me de SP.a wos mede verantwôordelik voo zin onslag uut de partie. In Kortrik eit de CD&V, onder leidinge van Stefaan De Clerck zin absolute mêerderheid verloorn. Aloewel ze goe soamen oan geweirkt me de SP.a van Philippe De Coene eit de CD&V toch beslist om me de VLD te zitt'n. In veel gemêenten ein de CD&V veel in de pap te brokk'n. Z'ein veel absolute mêerderheed'n, en versterk'n die nog dikwils. In Wielsbeke es 't er een kanse dat et Cordon Sanitaire deurbrook'n weird: de twjee grôotste partien, CD&V-N-VA en WDV, ein elk 9 zetels en het Vlaams Belang 1.