Libeco-Lagae
From Wikipedia
Libeco-Lagae is een Mullebeekse vlaswever en de grwootst'n van Belgje. D'ondernemienge telt 200 werkers en voert ut noar biekan hêel de weireld, mé e grwoot stik noar Amerika.
[bewerk'n] Geskienisse
Lik da de noame doe vermoedn, is de ondernemienge e fusie van twji bedrivn: Libeco & Lagae. De soamnsmeltienge gebeurde in 1997 vwo e betre concurrensiepozisse te creërn.
Libeco wos ipgericht in 1864 in Mullebeke en wos in't begun un ipslagplekke vwo thus gewoovn lin'n. In Mullebeke werkte in dien tidde 65% van de bevolkienge vwor de vlasindustrie.
Lagae is een bitje jirder begon'n in 1858 in Kortrik. Zidre on vanaf 't begun ol un echte weverie. Ondertusn gebeurd de productie van de vlasweefsels hêellemolle in Mullebeke.
In 1997 èt Libeco-Lagae wok het Amerikaanse bedrif Hamilton Adams overgepakt da gespecializeerd wos in decoroatiestofn. Hiermee èn ze nu wok ne stevige stok achter de deure in Amerika en stoan ze sterker in't hushodlin'n.
Sedert 2002 is de Kortrikse specioalzoake Van Acker wok djil van de groep. Zidre werk'n nog mé gespecializeerde minsen die olle bordeursels met't and moakn en azwo dus keun inspeeln ip specifieke vroagn van de iets gegoedre klantn.
[bewerk'n] Activiteitn
De activiteit'n keundzje ipsplitsn in twji grwoote djiln:
- Weefsels vwor techniese toepassiengn gelik vwor skilderien te bespan'n of zetels 't overtrekn.
- Weefsels vwor 't hushodn gelik andoekn, beddeloakns en kljirn.
