Gebruker:Bartholomeus
From Wikipedia
Elk zinne hoendah. Ik zin Bartholomeus en ik komme ut Mullebeke an de Devebeke. Ondertusn zinne kik ol 25 joar od en weun ik noh in de weekends in West-Vloandrn. Tidens de weke weun ik in Skoarbeke, Brusle dus. Ik weune ip twji plekn want ik werke in Vilvworde en da is vo hele doahn ip en of te doene veel te langk ip den tring zitn (vier eurn ip ne dah). Ik zin ier achter min skole bluvn plakn in Brusle moar ik zin ier wel nie van plan vo dreste van min doahn te bluvn weun: West-Vloandrn et toch ne antrekkiengskracht wo da je nie van ondre keunt. Vo dreste zinne kik 100% West-Vlams mo min dialect e wel nie 100% Mullebeeks want min moedre komt ut Wienkel (St.-Eloois-Winkel) en ier en toar zit er een woord van odoar in. Kanne doar ollik wok nie vele an doen want he kriht vele mee van de moedertoale, nji...
Min bezehottiengn zin: -tjiknen van hebouwn en steedn (arsjietecteure) -reizn -boekn leezn (non-fictie en wok Deutstoalihe) -hoe han uteetn en e goeie pinte drienkn -'t West Vlams woahe otn in Brusle en omhevienge!
