E40

From Wikipedia

De E40 es een otostrade die over het West-Vlams grondgebied lôopt. De 'E' in de noame wist ip het feit dat het om een otostrade goat die ipgenomen es in het Europese systeim van otostraden. Vôor 1986 werd ie de E5 genoamd, na de rationalisaotie van noamn van Europeese otostrades E40. T'es êen van de belangrikste West-Vlamse verkêersassn, soamen met de E17. Iès angeleid in verschillende faasn: 't stik tussen Luk en Ostende es angeleid tussn '37 en '40 en tussn '50 en 56', 't stik tussn Veurne en Jabbeke es't er veel loater gekoomn: tussn '73 en '85 ein ze't angeleid. De E40 es de odste otostrade van Belgje.

De E40 es een lange otostrade, wel 8000km lang. In Belgje volt ie tôpe met de Oôst-West asse, die Luk, Brussel en de Vlamse Kust verbindt. T'es een hêel drukke otostrade, in de weeke zit ie vul me pendelairs noa Brussel toe (de files tussn Afliggem en Ternat zin structureel, wa wil zeggn dat ze biekans iedern dag vôorkoomn), ip warme doagn zit de E40 vul in de richtienge van de kust omda ol de Brusseleirs noa de zêe willn. Dad ès logisch, omdat ie deur zin liggienge (hêelegans parallel an de kust) een ideole maniere ès om de mêeste kuststeed'n te bereik'n.

[bewerk'n] West-Vlams traject

De E40 komt de provincie van West-Vloandern binn'n in Beirnem (vanut Brussel gezien), lôopt hêelegans via Brugge noar de Franse grenze in Oadinkerke (De Panne). Ie volgt grôotendêels het traject van de A10 en de A18. De belangrikste gemêent'n langs zin (West-Vlams) traject zin:

Beirnem (1 ofrit)
Ôostkamp (1 ofrit)
Brugge (1 ofrit)
Jabbeke (1 ofrit)
Zandvôorde (Ostende) (1 ofrit)
Ostende (1 ofrit)
Gistel (1 ofrit)
Middelkerke (1 ofrit)
Nieuwpôort (1 ofrit)
Ôostduunkerke (Koksiede) (1 ofrit)
Veurne (1 ofrit)
Oadinkerke (De Panne) (1 ofrit)
Franske grenze

Der wordt dikkers gepeisd dat de E40 d'autostrade van Oostende noa Brussel is, mo da's niet 100 procent juuste. Gelik da'j ierboovn ku zien, buugt de E40 uut binneland ter ôogte van Jabbeke of noa 't zuud'n noa Frankriek. 't Stikske autostrade da in 't verlengde in Jabbeke deurelopt nor Ostende zelve, is gin E40 mig, moar èt allêene 't Belgische nummer A10.

[bewerk'n] Europees traject

Zoals gezeid es de E40 êen van de langere Europese otostrad'n. Ie lôopt hêelegans van't Oôsten van Europa (Leninogorsk in Oezbekistan) en lôopt ozwo via Kazachstan, Rusland, Oekraïne, Pooln, Duutsland via Belgje noa Vrankrik (eindpunt Calais). T'es een typische Oôst-West verbindienge.