E17
From Wikipedia
De E17 is een otostrade die over het West-Vlams hrondgebied lôopt. In Belgje volt ie soamen met de A14. De 'E' noame komt van de Europeeske maniere van noamhevinge voor internationale otostrades. Vroeher noemde ie E3, moar in 1986 ein ze de noame veranderd. Zin em behunn'n anlehhn in 1966, en openhesteld in 1974.
De E17 es een belangrike verkièrsoader, omdat ie de haavn van Antwerpen verbindt met Vrankrik. Iès belangrik voor de vele West-Vlamingen ut het zuden van de provinsje die in Gent weirken. Tés wok een heliefde weg vôor druhstoerisme ut Vrankrik noar Olland.
Omda de E17 de rapste maniere is om van Olland en de scandinaviese landen in't zuden te groaken passeren er nie alliene vreed veel camiongs, moar oak veel Ollandse toeristen met caravans die zoadanig overloaden zun da uldern beuk sleept.
Soms gebeuren der zwoare accidenten, moar de zwoarste was zonder êenihe twivel dedé in Kruisoutem ip 27 februari 1996, toen da een 200tal oto's in de mist ip elkoar hebotst ein. Der zin ton 10 dôodn hevallen en ieder joar es't er nog een speciale aktie van de politie om het verkièr te controleren ip overdreevn sneleid ter 'nahedachtenis' van da ongeval.
Inoud |
[bewerk'n] Traject in West-Vloandern
De E17 komt West-Vloandern vanut Vrankrik binnen in Rekkem. Ie verlaat de provinsje were in Woarehem. Ie doet de volgende Gemêenten an:
- Rekkem (Mjeenn) (1 afrit noa Oalbeke en Moeskroen)
- Kortrik (2 afritten: Kortik Zud en Kortrik Oôst)
- Oarelbeke (1 afrit: Dèrlik)
- Woarehem (1 afrit: Woarehem)
[bewerk'n] Traject in Europa
De E17 es nen belangriken verkièrsaoder deur hièl Europa. Ie verbindt Beaune (Vrankrik) met Antwerpen. Belangrikste steedn:
[bewerk'n] Varia
In Oarelbeke ein ze der een natuur/recreatiepark van 80 ectaren met en groat meer an overhehoudn: De Hoavers, omdat ze 4 miljoen kubieke meters zand nodih oan vôo de talud van de autostrade. De E3 eit wok de noame heheevn an alle soarten E3 lanen en stroaten, et E3 advertentieweekblad van Roularta en an de wielerkoerse E3 Pris Vloandern.
