USB
Ti Wikipédia, énsiklopédi bébas
Artikel ieu keur dikeureuyeuh, ditarjamahkeun tina basa Inggris. Bantosanna diantos kanggo narjamahkeun. |
Universal Serial Bus (USB) nyaéta standar beus sérial kana parangkat antarbeungeut. Barétona dirancang pikeun komputer-komputer saperti PC jeung Apple Macintosh, tapi popularitasna kiwari geus ngadesek USB jadi barang nu umum pikeun video game console, PDA, telepon sélulér; malahan mah keur parangkat saperti televisi jeung parabotan home stereo (contona, pamuter MP3), jeung prangkat mémori nu portabel.
Spéktrum radio anu dumasar kana implementaso USB kasohor minangka Wireless USB.
[édit] Sawangan
Sistim USB mibanda hiji rancangan anu has asimétris, nu kawengku ku host controller jeung multiple daisy-chained device. USB hub tambahan bisa kaasupkeun dina éta ranté, nu ngidinan ayana percabangan nu ngawangun struktur tangkal (tree structure), nu diwatesan lima tingkat percabangan keur tiap-tiap kadalina (controller). Kana hiji host controller bisa dihubungkeun ulah leuwih ti 127 parangkat, kaasup parangkat beusna. Komputer modéren sering mibanda sababaraha host controller, nu ngidinan dihubungkeunnana loba parangkat USB. Kabel USB teu perlu diterminasi.
Kusabab kamampuan parangkat USB daisy-chaining, warta USB merkirakeun yén unggal parangkat USB bakal kaasup di jerona hiji port USB nu ngidinan ranté-ranté parangkat nu panjang. Dina modél ieu, komputer teu perlu miboga loba port USB, sarta komputer anu dikirimkeun harita ilaharna ukur boga dua port USB. Tapi sanajan kitu, ku alatan alesan ékonomis jeung téhnis, daisy chaining henteu kungsi sumebar lega. Pikeun ngurangan perluna hub USB, komputer ayeuna mah USB port-na loba, umumna aya genep. Komputer desktop nu pangmodérenna boga nepi ka satengahna tina komplemén total port USB dina panél hareupna, keur masilitasan konéksi parangkat portabel samentara.
USB dirancang keur ngahubungkeun périperal tanpa perlu nyolokkeun kartu ékspansi kana beus ISA, EISA, atawa PCI-na komputer, sarta pikeun ningkatkeun kamampuan plug-and-play ku jalan nga-hot-swap parangkat (disambungkeun atawa dipegatkeun hubungannana tanpa maéhan power atawa rebooting komputer). Nalika hiji parangkat munggaran dihubungkeun, host bakal ngitung (nyebutan hiji-hiji) sarta ngaku parangkat éta, sarta ngaluarkeun driver parangkat nu diperlukeun. USB bisa ngahubungkeun périperal saperti mouse, keyboard, gamepad jeung joystick, scanner, kaméra digital, printer, panyimpen éksternal, komponén jaringan, jeung sajabana. Keur sababaraha parangkat saperti scanner jeung kaméra digital, USB geus jadi métode konéksi standar. USB ogé digunakeun sacara lega keur ngahubungkeun printer nu teu boga hubungan ka jaringan, ngaganti port paralél nu loba dipigunakeun; USB ngabasajankeun hubungan sababaraha printer kana hiji komputer. Nepi ka taun 2004 aya 1 miliar parangkat USB di dunya. Dina 2005, ukur périperal kelas lega nu henteu bisa migunakeun USB, alatan perlu data rate nu leuwih luhur tibatan nu bisa disadiakueun ku USB, nyaéta display jeung monitor, sarta komponén video kualitas luhur.
[édit] Standarisasi
Rancangan USB distandarisasi ku USB Implementers Forum (USB-IF), hiji badan standar isndustri mangrupakeun gabungan pausahaan-pausahaan mapan dina widang isndustri komputer jeung éléktronik. Anggotana kaasup diantarana Apple Computer, Hewlett-Packard, NEC, Microsoft, Intel, jeung Agere.
Dina taun 2006, spésifikasi USB nepikeun ka vérsi 2.0 (kalayan révisi). Hewlett-Packard, Intel, Lucent, Microsoft, NEC, jeung Philips babarengan ngamimitian inisiatif keur ngawangun rarata transfer data nu leuwih luhur tibatan spésifikasi 1.1 Spésifikasi USB 2.0 dikaluarkeun dina bulan April 2000 sarta distandarisasi ku USB-IF din aahir 2001. Kaluaran saméméhna nu kacatet nyaéta spésifikasi 0.9, 1.0, jeung 1.1. Parangkat nu migunakeun vérsi standar USB mana waé ogé, bisa dipaké dina parangkat nu dirancang dina spésifikasi saméméhna (disebut: kasaluyuan ka tukang, basa Inggris:backwards compatibility).
Colokan jeung wadah (stéker jeung stop kontak) keur USB nu leuwih leutik, disebut Mini-A jeung Mini-B, ogé aya, nu ditetepkeun ku On-The-Go Supplement to the USB 2.0 Specification. Dina 2 Agustus 2006, spésifikasi ieu nepi ka révisi 1.2.
[édit] Detil téhnis
USB ngahubungkeun sababaraha parangkat ka host controller ngaliwatan ranté hubs. Dina istilah USB, parangkat dirujuk minangka fungsi (functions), sabab dina tiori, anu ku urang dipikawanoh minangka parangkat sabenerna bisa jadi tempat sababaraha fungsi, saperti router anu bisa jadi mangrupa pamaca Secure Digital Card dina waktu nu sarua. Hub-hub mangrupakeun parangkat nu boga guna husus nu henteu sacara resmi dianggap fungsi. Nu sok aya waé téh, hiji hub minangka root hub, nu dipasang langsung kana host controller.