Leonora Jakupi

Nga Wikipedia, Enciklopedia e Lirë

Leonora Jakupi, albumi "Krejt ndryshe"

Leonora Jakupi lindi më 3 mars 1978 në Skënderaj, Kosovë. Një ndër këngëtaret më të njohura, bukura dhe preferuara në trojet shqiptare. Karriera e Leonorës ka filluar në moshën 15 vjeçare ku ka kënduar për herë të parë në festivalin "Zëri i Drenicës". Kënga e parë ishte "Dallëndyshe bukuroshe". Ka marr pjesë edhe në festivale të tjera si për shembull Festivali në Radio Televizionin Shqiptar. Albumet e Leonorës përmbajnë muzikë të rrymave të ndryshme. Albumet e fundit përmbajnë këngë pop të inspiruar nga muzika turke.

Ndër këngët më të njohura dhe të dashura të Leonorës është ”A vritet pafajësia”. Kjo këngë doli gjatë luftës së Kosovës dhe ka për temë luftën dhe gjenocidin serb ndaj shqiptarëve. Leonora ja dedikoj këtë këngë babait të saj që ishte pjesëtar i UÇK dhe vdiq gjatë luftës. Pas luftës Leonora u shpërngul nga Skenderaj dhe u vendos në Prishtinë, ku edhe banon sot me nënën, motrën dhe vëllanë.

Në vitin 2002 Leonora u rrah nga kolegeja e saj Adelina Ismajli. Leonora e denoncoi në polici Adelinën, por prokuroria vendosi që ta hedh poshtë çështjen. Konflikti fizik mes Leonorës dhe Adelinës edhe u politizua; gazeta "Epoka e Re", e afërt me PDK, vendosi që ti besonte versionit të Leonorës për atë se çka kishte ndodhur, ndërsa gazeta "Bota Sot", e afërt me LDK bëri vendim të kundërt, i besoi versionit të Adelina Ismajlit.

Disa herë në intervista është ankuar se Ministria për Kulturë e Kosovës po bën pak për mbrojtën e të drejtave autoriale të këngëtarëve nga Kosova, dhe luftimin e piraterisë.

Ka marr pjesë disa herë në koncerte humanitare/ bamirëse, si në koncertin për grumbullimin e mjeteve financiare për lirimin e Fatmir Limaj.

Tabela e përmbajtjeve

1 Diskografia( Albumet dhe hitet)
2 Citime të Leonorës
3 Lidhje të jashtme
- 3.1 Klipa
- 3.2 Artikull

[redaktoni] Diskografia( Albumet dhe hitet)

Viti	Titulli	Hite	Shënim
1997	Leonora Jakupi	^{-O, bo bo} ^{-Nuk me duhet Gjermania}	^{Bashkëpunëtor kryesor Aida Baraku dhe Armend Rexhepagiqi} ^{Publikuar nga Zico Company} ^{Album pa titull. Në kopertinë është një foto e Leonorës dhe mbishkrimi Leonora Jakupi}
2001	Sahara dhe Kaprolle( album i dyfisht)	^{-A vritet pafajsia?} ^{-Në zemër të më ndjesh} ^-Sahara	^{Përmban dy CD} ^{Bashkëpunëtor kryesor Naim Krasniqi} ^{Publikuar nga L&I Company}
2003	Krejt Ndryshe	^{-Ti nuk ekziston}	^{Hiti "Ti nuk ekziston", me muzikë të kompozuar nga një turk, dhe tekst të Memli Krasniqi} ^{Bashkëpunëtor kryesor Enis Presheva Junior} ^{Publikuar nga "Zeri i Drenicës"}
2005	Leonora	^{-As mos provo} ^{-Ende të dua}	^{Bashkëpunëtor kryesor Enis Presheva Junior} ^{Publikuar nga ?}
2006	Zemra të kërkon	^{-Zemra të kërkon} ^-	^{Bashkëpunëtor kryesor} ^{Publikuar nga ?}

[redaktoni] Citime të Leonorës

Për politikë: "Nuk merrem me politikë, as që dua të merrem, sepse politika i takon atyre që janë më kompetent. Artisti ka shumë shpirt dhe fatkeqësia më e madhe është nëse merrem me politikë. Një shoqëri ka nevojë edhe për politikë, por arti është ushqim për shoqërinë."

Frikë:"Kam frikë shumë nga ata që merren me përgojime dhe me thashetheme, sepse e drejta e di se vonon por del në shesh. Dua drejtësi edhe pse ajo dhemb për të fajshmin. "

Fatkeqësi: "Fatkeqësia ime më e madhe është humbja e babit tim. Ajo është një tronditje e madhe për mua dhe për familjen time. Çdo herë kur e kujtoj më këput shpirtin. Le ta vendose çdo kush dorën në zemër dhe të kujtoj veten në pozitën time. Por jeta duhet vazhduar, por babi im do të jetë gjithnjë në shpirtin tim"