Pablu Picassu
From Wikipedia
 |
|
|
|
|
|
|
Pablu Picassu (25 di uttuviru 1881 – 8 di aprili 1973) pitturi spagnolu di fama mondiali, fu sicuramenti unu dî maestri dâ pittura dû Novicentu. Lu sò nomu completu era Pablo (o Pablito) Diego José Santiago Francisco de Paula Juan Nepomuceno Crispin Crispiniano de los Remedios Cipriano de la Santisima Trinidad Ruiz Blasco y Picasso Lopez.
Ìndici |
[cancia] Biografìa
Natu a Malaga (Spagna), ancora picciutteddu, ntô 1895 Picassu si trasferisci câ famigghia a Barcellona e accuminza a seguiri li lizzioni di pittura di sò patri e poi trasi ntâ pristiggiusa Accademia dî Beddi Arti di Madrid. Doppu quacchi misi ritorna a Barcellona a grapi nu studiu di pittura. A st'èbbica avìa sulu 16 anni.
[cancia] Lu "periudu blu" e lu "periudu rosa"
Ntô 1900 va ppi la prima vota a Pariggi e doppu diversi viaggi ntô 1904 decidi di trasfirìrisi ntâ capitali francisi. Nta stu periudu i sò quatri hannu lu culuri blu comu culuri pridominanti. N'annu doppu lu culuri pridominanti addiventa lu culuri rosa.
A Pariggi addiventa amicu di Henri de Toulouse-Lautrec. Canusci puru a Fernande Olivier chi addivintirà la so mudella e amanti.
A partiri dû 1907 accuminza a aviri successu, ma si rifiutava di participari a mostri pùbblichi.
[cancia] L'amicizia cu Braque
Ntô 1907 canusci a Georges Braque e accuminza na cullabburazzioni artìstica chi duna vita ô Cubismo. La cullabburazzioni finìu ntô 1914 quannu Braque si arruolau ppi la prima guerra mondiali.
Ntô 1917 va a Roma unni canusci la ballarina Olga Koklova e l'annu doppu si spòsinu e vannu a vìviri a Pariggi. Picassu è già riccu e famusu.
Ntô 1921 nasci Paulo e cchiù tardu lu matrimoniu havi na crisi quannu Pablu s'annammura dâ diciassittenni Marie Thérèse Walter. Circau di ottiniri lu divorziu ma nun ci arriniscìu mai. Nta sti anni si didicau puru â puisìa.
[cancia] Guernica
Puru chi vivìa in Francia, Picassu ristau sempri liatu â sò patria tantu chi ntô 1937 lu cuvernu spagnolu lu cumanna ppi fari nu quatru ppi l'Esposizzioni Mondiali di Pariggi. Fu lu sò quatru cchiù famusu, Guernica, ispiratu ô bombardamentu di na cità duranti la guerra civili spagnola.
Ntô 1943 canusci la pittrici Françoise Gilot, chi all'èbbica avìa 20 anni. Ccu idda vivi deci anni e ci duna du' figghi, Claude (1947) e Palma (1949).
Ntô 1946 si trasfirisci ntô sud dâ Francia e si dèdica â ciràmica.
[cancia] L'impegnu pulìticu
Ntô 1944 si iscrissi ô Partitu Cumunista e participau a confirenzi ntirnazziunali ppi la paci.
Ntô 1953 veni lassatu di Françoise ma prestu lu postu veni occupatu di Jacqueline Roque chi spusau ntô 1961 e nzèmmula si trasfireru vicinu a Cannes.
L'ùrtimi anni dâ sò vita prifirìu passàrili â sò casa ccâ sò mugghieri, e foru l'anni cchiù prulìfici comu artista.
Murìu l'8 di aprili 1973 all'età di 91 anni.
[cancia] Liami esterni
Categories: Arti | Biografìi | Pittura
