Wilhelm II av Tyskland
Frå Wikipedia – det frie oppslagsverket
Wilhelm II av Tyskland, var prins og keisar av Tyskland. Wilhelm II var den siste tyske keisaren og konge av Preussen. Han vart fødd 27. januar 1859 i Potsdam, og døydde 4. juni 1941 i Doorn i Nederland.
Wilhelm II sitt fulle namn var Friedrich Wilhelm Albert Victor prins av Hohenzollern. Han var son av keisar Fredrik III av Tyskland og keisarinne Viktoria. Keisarinne Viktoria var dotter av dronning Victoria av Storbritannia. Wilhelm II var soleis soneson både av keisar Wilhelm I av Tyskland og dronning Victoria av Storbritannia.
Wilhelm II var tysk keisar og konge av Preussen frå 1888 til 1918. I 1890 lét han Otto von Bismarck gå av som tysk rikskanslar.
Etter nederlaget i fyrste verdskrig gjekk han av av som keisar og flykta til Nederland, der han døydde i 1941.
[endre] Wilhelm II og Noreg
Wilhelm II og leiande tyske krinsar reiste om somrane ofte langs kysten av Noreg. Mellom anna var keisaren innom i Balestrand og i Odda. Reisene gjekk ofte føre seg på krigsskip, og keisaren fekk synt fram Tyskland si flåtemakt.
Då Ålesund brann i 1904 fekk Wilhelm organisert hjelp til gjenoppbygging av byen. Ålesund vart bygd opp i mykje tyskinspirert jugendstil.
I 1913 fekk Wilhelm II reist ein kjempestatue av vikinghelten Fridtjof den frøkne på Vangsnes, og statuen av kong Bele ved gravhaugane i Balestrand. Reisinga av statuane var uttrykk for ei ovundring av vikingtida.
[endre] Nettlenkjer
- NRK Sogn og Fjordane sitt fylkesleksikon om Wilhelm II. Mellom anna kan ein sjå programmet "Tysk keisar i norsk fjord".
- * William of Germany; Engelsk bok frå 1913 om Wilhelm IIProsjekt Gutenberg nettutgåve.
[endre] Litteratur
- Henningsen, Bernt: (m.fl.): Tyskland og Skandinavia : 1800-1914 : impulser og brytninger, Berlin 1997. ISBN 9171005420
