Ungdomsorganisasjon
Frå Wikipedia – det frie oppslagsverket
Ein ungdomsorganisasjon er ein organisasjon som blir driven av og for ungdom. Slike organisasjonar har ofte ei øvre aldersgrense for medlemskap, til dømes på 30 år. Dei er gjerne bygde opp på same måte som organisasjonar for vaksne, med eit sentralstyre og fleire lokallag. Dei skil seg frå desse andre laga ved at dei gjerne legg vekt på fleire aktivitetar for ungdom, og ved at dei i mange tilfelle er meir aktivistiske enn vaksenlaga.
Ein kan dela ungdomsorganisjonane inn i ulike typar ut frå kva ideologisk grunnlag dei har.
Innhaldsliste |
[endre] Politiske ungdomsorganisasjonar
Desse organisasjonene er politiske ved at dei jobber for å påverka samfunnet i ein retning dei mener er sunt. Laga kan vera tilknytta eit særskilt politisk parti, eller vera uavhengige.
[endre] Partitilknytta organisasjonar
Ungdomsorganisasjonar til stortingsparti |
---|
|
Det er vanleg for politiske parti å oppretta ungdomsorganisasjonar som følger same ideologien som morpartiet, men ofte jobbar meir med sakar som betyr noko for ungdom. Desse laga kan ha som føremål å læra opp ungdom i politisk arbeid. Alle dei politiske partia i Norge som sit på Stortinget i dag har ein ungdomsorganisasjon.
Historiske partitilknytta ungdomsorganisasjonar:
- Hitlerjugend og Bund Deutscher Mädel, nasjonalsosialistiske ungdomsorganisasjonar på 1930- og 40-talet.
[endre] Partiuavhengige organisasjonar
Dette er organisasjonar som jobbar særskilt med einskilde saker eller for særskilde grupper. Dei støtter ikkje opp om noe parti, men jobber heller for at dei politiske partia skal støtta opp om saken deira. Dei største norske slike organisasjonene er Elevorganisasjonen, Europeisk Ungdom, Natur og Ungdom, Norsk Målungdom, Ungdom mot Narkotika og Ungdom mot Vold.
[endre] Livssynsorganisasjoner
Desse organisasjonene er basert på eit livssyn som kan vera religiøst eller ikkje-religiøst. Noregs speidarforbund, KRIK og ACTA er døme på kristne ungdomsorganisasjonar i Noreg, medan International Humanist and Ethical Youth Organisation (IHEYO) er ein internasjonal humanistisk ungdomsorganisasjon.
[endre] Fritidsorganisasjoner
Mange organisasjonar har som mål å laga ei meiningsfylt fritid for ungdom, utan at dei treng ha religiøse eller politiske band.
Døme på dette er 4H, Bondeungdomslaget, CISV, Landsforeningen Ungdom & Fritid, Noregs ungdomslag og Norsk frilynt ungdomsforbund.