Tor Obrestad
Frå Wikipedia – det frie oppslagsverket
Tor Obrestad (f. 12. februar 1938) er ein norsk forfattar. Han har gjeve ut romanar, noveller, dikt, gjendiktingar, skodespel og biografiar.
Innhaldsliste |
[endre] Liv og forfattarskap
Obrestad vart fødd i Hå på Jæren og tok lærarutdanning, som han avslutta i 1963. Deretter drog han til Oslo for å studera engelsk. Han debuterte i 1966 med diktsamlinga Kollisjon, som han fekk og novellesamlinga Vind, noko han fekk Tarjei Vesaas' debutantpris for. Året etter gav han ut ei gjendikting av William Blake.
Forfattaren var sterkt involvert i det radikale kuntsnarmiljøet på 1960-talet. Han var med i gruppene rundt tidsskrifta Profil og Syn og Segn, sat i redaksjonen til Fossegrimen og vart seinare redaksjonssekretær i Vinduet. Obrestad var òg med på å stifta det første marxist-leninistiske lokallaget i Groruddalen. Som den gode sosialistiske forfattaren han var skreiv han om streiken i Sauda i 1970 (Sauda! Streik!, 1972), og Hammerverk-konflikta (Stå på!, 1976).
Tor Obrestad har seinare stått for fleire utgjevingar om Jæren og om menneske med tilknytting til landskapet, som Arne og Hulda Garborg og Alexander Kielland. Sjølv bur han på andre sida av landet, i Hurum.
Obrestad har òg verka som bokmeldar i Aftenposten og Stavanger Aftenblad. Han fekk Noregs Mållags barnebokpris i 1985.
[endre] Verkliste
[endre] Dikt
- Kollisjon. 1966
- Vårt daglege brød. 1968
- Den norske løve. 1970
- Sauda og Shanghai. 1973
- Stå saman. 1974
- Vinterdikt. 1979
- Misteltein. 1987
- Mimosa, myosotis, rosmarin. 1994
- Ohrid. 1999
[endre] Noveller
- Vind. 1966
- Tolken. 1975
- Sjå Jæren, gamle Jæren. 1982
- Forsøk på å halda fast tida. 1993
- Kvinnene i Casablanca og andre historier. 2002
[endre] Romanar
- Marionettar. 1969
- Sauda! Streik! 1972
- Stå på! 1976
- Ein gong må du seie adjø. 1981
- Seks netter, seks dagar. 1989
- Bernhards mor. 1998
- Krokodillen Alexander og navigator emeritus, Reinert i Sjøhusgaten. 2001
[endre] Barnebøker
- Reisa til bestemor. 1980
- Kamelen i Jomarskogen. 1985
[endre] Gjendiktningar
- William Blake . 1967
- Dagbok frå fengslet. Gjendiktning av Ho Chi Minh . 1969
- Mao Tsetungs dikt. 1970 (sm.m. Kjell Heggelund)
- Utvalde dikt av Robert Bly . 1972 (sm.m. Olav H. Hauge, Paal-Helge Haugen og Einar Økland)
- Heimlandet mitt. Gjendikting av Giang Nam . 1978
- Raymond Carver: Men sjela er også ein glatt dævel. Gjendikting av . 1988
- Anna Swirszczynska: Eg er kvinnfolk. 1990
- Dylan Thomas: 30 dikt. 1996
- Ren Powell: Fairy tales and soil. 1999
- Mansur Rajih: Horoskop: fengsel? Horoskop: kjærleik. 2000
- Bohumil Hrabal: Dansetimar for eldre og vidarekomne. 2003
- Mansur Rajih: Langt borte: så nær. 2003
[endre] Sakprosa
- Oljearbeidarar. 1977
- Tenningar. Skrivestykke gjennom 20 år. 1986
- Arne Garborg. Ein biografi. 1991
- Hulda. Biografi. 1992
- Om Fred og nihil. Ei nylesing av Fred. 1994
- Sannhetens pris. Alexander Kielland. 1996
- Den lengste historia. Rogaland 10 000 f.Kr.-1350 e.Kr. 2004
- Søk. 13 artiklar om litteratur. 2005
[endre] Pristildelingar
- Tarjei Vesaas' debutantpris 1966, for Kollisjon og Vind
- Sarpsborgprisen 1966
- Gyldendals legat 1971
- Sunnmørsprisen 1982, for Sjå Jæren, gamle Jæren
- Nynorsk barnelitteraturpris 1985, for Kamelen i Jomarskogen
