Puma
Frå Wikipedia – det frie oppslagsverket
| Puma |
||||||||
|---|---|---|---|---|---|---|---|---|
 Foto: Stephen Lea |
||||||||
| Systematikk | ||||||||
|
||||||||
| Vitskapleg namn | ||||||||
| Puma concolor L., 1771 |
Pumaen (Puma concolor, tidlegare Felis concolor) er eit amerikansk kattedyr som høyrer med mellom dei mest tilpasningsdyktige pattedyra i verda. Sjølv om han liknar dei store kattedyra i storleik er han nærare i slekt med dei små kattane.
[endre] Skildring
Pumaen finst i mange fargevariantar, frå lys gråbrun til nesten heilt svart. Nyfødde ungar har mørke flekkar. Storleiken varierer òg, kroppslengda kan vera frå 100-195 cm og vekta 36-103 kg. Dette har å gjera med det store utbreiingsområdet, det finst ei rekke ulike underartar som alle er tilpassa sine miljø.
[endre] Levevis
Pumaen er ein einsam jegar som jaktar i kveldinga og tidleg om morgonen. I spesielt aude område (utan menneske) jagar dei òg på dagtid. Som hjå dei fleste andre kattedyr er jakten basert på sniking, men den kan òg sprinta over korte avstandar. Dei et mykje hjort, men dei aller fleste pattedyr står på menyen.
Dyret hevdar store revir, kor dei ulike kjønna sine kan overlappa. Dette fører til at hannen får oversikt over når hoa er i brunst. Då dannar dei par og lever saman i to veker. Kullet er på 2-6 ungar og vert fødd i bortgjemte hi fora med mose og lyng. Dei vert verande med mora i om lag to år.
[endre] Kjelder
Engelsk Wikipedia Vår fantastiske verden, Skandinavisk presse AS 1990
