Johan Ludwig Mowinckel
Frå Wikipedia – det frie oppslagsverket
Johan Ludwig Mowinckel var fødd 22. oktober 1870 i Bergen. Han døydde i New York by den 30. september 1943. Han var skipsreiar og ein leiande politikar i Noreg. Som politikar representerte han partiet Venstre.
Mowinckel var statsminister i Noreg i tre periodar: frå 1924 til 1926, frå 1928 til 1931 og frå 1933 til 1935. Frå 1927 var han òg formann i Norges Venstrelag. Han var handelsminister (1921-1922), utanriksminister (1922-1923) og stortingspresident (1916-1918).
Johan Ludwig Mowinckel studerte språk og handel i Tyskland, England og Frankrike. I 1898 kjøpte han sitt fyrste skip og starta eit stort shipping-selskap med hovudkvarter i Bergen. Mowinckel vart leiar for Bergens Venstreforening og vald til bystyret i 1899.
Johan Ludwig Mowinckel var medlem av den Norske Nobelkomiteen frå 1925 til 1936.
Føregjengar: Abraham Berge |
Statsminister i Noreg |
Etterfylgjar: Ivar Lykke |
Føregjengar: Christopher Hornsrud |
Statsminister i Noreg |
Etterfylgjar: Peder Kolstad |
Føregjengar: Jens Hundseid |
Statsminister i Noreg |
Etterfylgjar: Johan Nygaardsvold |