Abraham Berge
Frå Wikipedia – det frie oppslagsverket
Abraham Theodor Berge, fødd 20. august 1851 i Lyngdal i noverande Vest-Agder fylke, død 1936. Berge var ein norsk politikar. Han var statsminister i Noreg frå 30. mai 1923 til 25. juli 1924. Berge representerte Frisindede Venstre og var ein av stiftarane av partiet. Tidlegare statsminister Otto Bahr Halvorsen døydde etter berre to månadar i statsministerstolen i si andre regjering. Regjeringa Halvorsen gjekk av 29. mai 1923. Berge gjekk inn for å fjerna alkoholforbodet, noko som gav den nye regjeringa problem. Stortingsfleirtalet kravde ny folkerøysting om alkoholforbod, og regjeringa fall.
[endre] Riksrett
Abraham Berge og seks av statsrådane hans vart i 1926 utsett for riksrettstiltale. Regjeringa Berge hadde gjort løyvingar utan å informera Stortinget. Saka var frå 1923 og løyvingane var gjort for å stø opp om Handelsbanken. Berge og statsrådane vart frikjende. Eit mindretal røysta mot frikjenning. Vurderinga ved frikjenninga gjekk på at regjeringa hadde handla i beste meining.
| Føregjengar: Otto Bahr Halvorsen |
Statsminister i Noreg |
Etterfylgjar: Johan Ludwig Mowinckel |
[endre] Sjå òg
- Norske regjeringar
- Abraham Berge si regjering
