Jærbanen

Frå Wikipedia – det frie oppslagsverket

Jærbanen er namnet på jarnbanelina Stavanger-Egersund.

Jærbanen kan sjåast på som byrjinga til eller slutten på Sørlandsbanen Stavanger - Kristiansand - Oslo. Strekninga går over det flate kystlandskapet Jæren.

Jærbanen vart opna i 1878 som ein smalsporbane (1067 mm), i 1944 vart bana omgjort til ei normalsporbane (1435 mm). I 1956 vart linja elektrifisert. På grunn av en høg lokal trafikk ligg det føre planar om å utvida linja med dobbeltspor frå Stavanger til Ganddal. Anleggsarbeidet skal etter planen starta i 2005.

Jærbanen har eit sidespor, Ålgårdbanen, som går fra Ganddal til Ålgård, ein avstand på 12 kilometer. Ålgårdbanen hadde passasjertrafikk frå opninga i 1924 og fram til 1955, men vanleg godstrafikk heldt fram til 1988. I dag kan du i sommerhalvåret leiga dresin på den nedlagde Figgjo stasjon, som er eit museum.

[endre] Stasjonar og haldeplassar

• Stavanger stasjon. - 5,3 m.o.h. Stasjonen vart opna i 1878.
• Hillevåg haldeplass, haldeplass sidan 1880.
• Mariero haldeplass, haldeplass sidan 1880-åra.
• Vaulen haldeplass, haldeplass mellom 1918 og 1957.
• Jåttå haldeplass, haldeplass sidan april 2004. Brukt i samband med tilskipinger på Viking Stadion.
• Hinna stasjon, stasjon frå 1878 til 1965. Frå 1965 sporadiske stopp.
• Gausel haldeplass, haldeplass frå 1904 til 1957.
• Forus haldeplass, haldeplass frå 1904 til 1967.
• Lura haldeplass, haldeplass fra 1916 til 1951
• Sandnes stasjon - 6,1 m.o.h. Hovudstasjon frå slutten av 1990-åra
• Sandnes haldeplass. Sandnes gamle hovudstasjon. Stasjon frå 1878
• Ganddal stasjon. - 22,5 m.o.h. Stasjonen vart opna i 1878. Sjå og Ålgårdbanen.
• Øksnevadporten haldeplass, haldeplass frå 1933.
• Klepp stasjon. Stasjonen vart opna i 1878.
• Bryne stasjon. - 30,4 m.o.h. Stasjonen vart opna i 1878.
• Hognestad haldeplass, haldeplass frå 1879 til 1966.
• Nærbø stasjon. - 31,4 m.o.h. Stasjonen vart opna i 1878.
• Varhaug stasjon. - 44,3 m.o.h. Stasjonen vart opna i 1878.
• Vigrestad stasjon - 32,6 m.o.h. Stasjonen vart opna i 1878.
• Brusand stasjon - 2,8 m.o.h. Stasjonen vart opna i 1879.
• Ogna stasjon - 4,4 m.o.h. Stasjonen vart opna i 1878.
• Sirevåg stasjon - 13,9 m.o.h. Stasjonen vart opna i 1879.
• Vatnamot haldeplass, haldeplass frå 1879 til 1950.
• Hellvik stasjon - 18,1 m.o.h. Stasjonen vart opna i 1878.
• Maurholen haldeplass. "Lille Sirevaag" haldeplass frå 1879 til 1921. "Lille Sirevåg" haldeplass frå 1921 til 1934. Maurholen haldeplass frå 1934 til 1944.
• Egersund stasjon - 11,1 m.o.h. Stasjonen vart opna 1944 i samband med opninga av Sørlandsbanen. Den gamle stasjonen frå 1878 låg vel ein kilometer fra den nye stasjonen.