Heimebrent
Frå Wikipedia – det frie oppslagsverket
Heimebrent er i Noreg eit omgrep brukt om brennevin produsert utan særskilt løyve. Namnet avspeglar ulovleg produksjon heime hjå privatpersonar, men uttrykket omfattar òg ulovlig produksjon i større skala. Tradisjonelt vert heimebrent laga av sats: Råstoff som er blanda og satt til gjæring. Mange slag råstoff kan brukast i satsen, men i Noreg er satsen ofte ei blanding av vatn, sukker og gjær. Satsen vert destillert, men ofte med ein kvalitet som gir for store mengder fusel, og brennevinet vert difor reinsa med kolfilter. Ferdig heimebrent er ofte nesten rein alkohol (96% og lågare).
Det er forbode i dei fleste land å lage brennevin utan særskilt løyve, sjølv til eigen bruk. I Noreg er dette heimla i Lov om omsetning av alkoholhaldig drikk m.v., der det står at ein må ha løyve for å produsere alkoholhaldig drikk. Denne loven gir likevel tilgang til brygging av øl og vin.
Årsakane til at det er straffbart å brenne heime er mellom anna at det gir ein «lekkasje» i myndigheitenes freistnad på å regulere konsumet av alkohol gjennom avgifter, samt at heimebrenten kan ha helseskadelige ureiningar som ville vorte fanga opp i internkontrollen til profesjonelle destilleri.
I New Zealand har det vore lov å brenne heime i fleire år. Det engelske omgrepet på heimebrent er moonshine, eit brennevin som vert laga i nattas mulm og mørke.
