FC Barcelona

Frå Wikipedia – det frie oppslagsverket

FC Barcelona

Fullt namn

Futbol Club Barcelona

Kallenamn

Barça, Blaugrana

Grunnlagt

1899

Heimebane

Camp Nou,
Barcelona

Kapasitet

98 600

Styreleiar

Joan Laporta

Trenar

Frank Rijkaard

Liga

Primera División

2005/06

Nr. 1 i Primera División





Heimedrakt





Bortedrakt

Futbol Club Barcelona er ein spansk (katalansk) fotballklubb. Heimebana Camp Nou ligg i byen Barcelona.

FC Barcelona er den største idrettsklubben i verda med over 130 000 medlemar frå heile verda. Fotballaget er det einaste som har delteke i europacupar uavbrote sidan byrjinga i 1955. Klubben sine andre lag (basketball, håndball, landhockey, friidrett, ishockey, innefotball, rugby, baseball, volleyball og kvinnefotball) har vunne utallige titlar både nasjonalt og internasjonalt. FC Barcelona har 17 spanske seriemeisterskap, 24 sigrar i den spanske cupen, to sigrar i UEFA Champions League/Seriebinnarcupen, fire i cupvinnarcupen og fire i UEFA-cupen.

[endre] Historie

Tilhengjarar i Barcelona-fargar

FC Barcelona vart stifta den 29. november 1899 av sveitsaren Hans Gamper. Hans, som i Katalonia vert kalla Joan, var ein fotballentusiast og kom til Barcelona først i 1898 i samband med forretningar. Allereie i 1901 vann klubben sin første tittel.

Da den spanske ligaen (La Liga) vart stifta i 1929 vann FC Barcelona den første sesongen. Klubben fekk problem i tida etter den spanske borgarkrigen. Klubben følte seg ofte diskriminert i høve rivalen frå Castilla, Real Madrid.

Etter vanskelege år i etterkrigstida fekk klubben ei renessanse då nederlendaren Johan Cruyff kom til klubben i 1973. Den rekordhøge overgangssummen på £ 922 300 vart raskt gløymd då han leia FC Barcelona til ein 5-0-seier mot Real Madrid på Santiago Bernabéu, noko som sikra FC Barcelona serieimesterskapen.

Tidleg i 1990-åra vart FC Barcelona den leiande klubben i Spania, med fire seriemeisterskap på rad frå 1990 til 94, i tillegg til ein siger i Champions League. Klubben vart på denne tida leia av Cruyff.

[endre] FC Barcelona i dag

Barcelonaspelarar i kamp mot Real Club Celta de Vigo

I dag er nederlendaren Frank Rijkaard manager i klubben. I 2004/05-sesongen vann klubben på ny La Liga, med god hjelp av verdsstjerner som Ronaldinho og Samuel Eto'o. Mange meiner FC Barcelona er eitt av Europas beste klubbar, og klubben sine fans håpar at dei er på veg inn i ein ny gullalder. Barcelona er allereie på god veg etter at dei vann primera divison i 04/05 sesongen. Barcelona vann Champions League 05/06.