Energi
Frå Wikipedia – det frie oppslagsverket
For å få mer informasjon, dra på www.kraftskolen.no eller www.energifakta.no
Energi (frå gresk ενέργεια (energeia), styrke) er potensialet i ein lekam til å avgi varme til eller utføre eit arbeid på ein annan lekam. Standard måleeining for energi er joule (J). Energi kan ikkje bli borte, men bare gå over i ein annan energiform av same eller lågare kvalitet.
Uttrykka energi og kraft har ulik tyding i forskjellige fagfelt. I fysikken fokuserast det på å beskrive denne eigenskapen kvantitativt ved ein definisjon som gjør det mogleg å sjå energi både som ein totaltilstand og som utført arbeid av ulike typar.
I naturvitskapen er energi ein grunnleggjande storleik hjå alle fysiske system. Det er altså uttrykk for eit potensial til å utføre mekanisk arbeid eller til å avgi varme. Tidlegare blei energi beskrivi i forhold til enkle observerte effektar. For det er alltid slik at når eit objekt har forandra seg, er energi blitt utveksla med omgivelsane. Da ein forstod at det som skapar endringane kan lagrast i objekt, blei omgrepet energi lansert som potensialet for endring samt storleiken av endringa. Slike effektar (både potensielle og realiserte) har mange formar. Døme:
- Kinetisk energi for eit tog i fart
- Termisk energi i ein varmtvasstank
- Kjemisk energi i mat
- Elektrokjemisk energi i batteri
Det å seie at energi er endringa eller potensialet for endring, klarer ikkje å beskrive alle forekomstar av energi i den fysiske verda vår.
For å få mer informasjon, dra på www.kraftskolen.no eller www.energifakta.no
Denne fysikkartikkelen er ei spire. Du kan hjelpe Nynorsk Wikipedia å vekse seg stor og sterk gjennom å utvide han.
Sjå òg: Oversyn over fysikkspirer. |