Delstaten São Paulo

Frå Wikipedia – det frie oppslagsverket

**São Paulo**
Delstat i Brasil
Hovudstad	São Paulo
Flatevidd - Rangering i Brasil	248.808,8 kkm km² 12.
Folketal (2005) - Rangering i Brasil - Tettleik	40.442.795 1. 152,7 per kvm
Grunnlagd	1709
Offisielle språk	Portugisisk
Guvernør	Cláudio Lembo
Nettstad	http://www.saopaulo.sp.gov.br/

Sjå òg São Paulo (fleirtyding)

São Paulo er ein delstat i den søraustlege delen av Brasil og har ei befolkning på om lag 38 millioner (2003). Hovudstaden heiter óg São Paulo. Delstaten er eit økonomisk og industrielt kraftsenter i Brasil og i Sør-Amerika.

[endre] Økonomi

São Paulo står for om lag ein tredjedel av Brasil sitt BNP og ein tredjedel av landet sitt energiforbruk. Delstaten har omfattande industri, dette innebér både stål-, mekanisk- og elektronikkindustri. Fleire bilkonsern har fabrikkar her og flyprodusenten Embraer har hovudkvarteret sitt i delstaten.

Innan landbruk er blant anna kaffi ein viktig inntektskjelde.

[endre] Politikk

Politikken i São Paulo er kontrollert av Arbeiderpartiet (PT) og av Sosialdemokratane (PSDB). Begge desse partia har opphav i denne delstaten. Guvernøren, Geraldo Alckmin, kjem frå PSDB, og er vald for perioden 2003-2006.

Dei to siste brasilianske presidentane, Fernando Henrique Cardoso (PSDB) og Luiz Inácio Lula da Silva (PT), bur i delstaten.

[endre] Historie

Den første busetjinga i delstaten er registrert attende til 1532, med danninga av "Vila da São Vicente." I 1554 vart det etablert ein Jesuitt-misjon som skulle kristne Tupi-indianarane i området. Denne misjonen vart seinare til det som i dag er São Paulo by.

Delstaten fekk sitt første økonomiske oppsving på 1900-tallet med etableringa av fleire kaffiplantasjar i området. For å kunne eksportere kaffen gjennom hamnebyen Santos vart det i denne perioden bygd både vegar og jernbaner.

Veksten i kaffeplantasjane gjorde at eit stort antal innvandrarar kom til delstaten frå midten av 1900-tallet og utover. Desse innvandrarane kom frå land som Tyskland, Italia, Libanon og Japan. I tilleg til innvandrarar, har delstaten óg opplevd ei stor innflytting frå andre delar av Brasil, spesielt frå delstatane i nordaust.

Satelittbilde over storbyområdet São Paulo og omegn

[endre] Byar

Viktige byar er São Paulo (hovudstad), Santos, Campinas, Osasco, São José dos Campos og Ribeirão Preto.

Andre byar er: Araraquara, Araçatuba, Barretos, Bauru, Franca, Jacareí, Jundiaí, Marília, Piracicaba, Presidente Prudente, São Carlos, São José do Rio Preto og Sorocaba.

[endre] Ekstern lenkje

Delstatar i Brasil
Acre \| Alagoas \| Amapá \| Amazonas \| Bahia \| Ceará \| Distrito Federal \| Espírito Santo \| Goiás \| Maranhão \| Mato Grosso \| Mato Grosso do Sul \| Minas Gerais \| Pará \| Paraíba \| Paraná \| Pernambuco \| Piauí \| Rio de Janeiro \| Rio Grande do Norte \| Rio Grande do Sul \| Rondônia \| Roraima \| Santa Catarina \| São Paulo \| Sergipe \| Tocantins