Alkalimetall
Frå Wikipedia – det frie oppslagsverket
Alkalimetalla er metalla som ligg i gruppe 1 i periodesystemet: litium, natrium, kalium, rubidium, cesium og francium. Ved oppvarming i ein flamme vil kvart av metalla gi flammen ein karakteristisk farge.
Alkalimetalla har berre eitt elektron i ytterste elektronskall. Alkalimetalla er svært reaktive og dei reagerer blant anna kraftig med vatn. Reaksjon mellom alkalimetall og vatn gir ei basisk vassløysning. Dei fleste salt av alkalimetall er vassløyselege.
Alkali er opprinneleg eit arabisk ord for basisk. Alkalimetalla er sterke Lewis-basar, det vil seie at dei lett avgir elektron.
