Elektrolys
From Wikipedia
Een Elektrolys is een chemische Reaktschoon, bi de elektrischen Strom insett ward, een chemisch Verbinnen ellers een Gemisch utnannertodröseln.
Eenfach is de Elektrolyse vun Water, bi de Waterstoff un Suerstoff rutkümmt.
Elektrolyse ward ook insett för dat Reinmoken vun Kopper, to'n Bispeel in de Norddüütsche Affinerie in Hamborg.
De Elektrolyse mutt in een Flüssigkeet mookt warrn. Dat kann Water sien, obers ook smolten Solt oder Metall. So ward to'n Bispeel Aluminium mookt. Op de een ellers de anner Oort mööten obers Ionens binnen wesen.
Dat Prinzip is, dat in de Flüssigkeet twee Elektrodens rinkümmt. Een is de Pluspool (Anood), een de Minuspool (Kathood). Denn wannert de positiv opladen Ionen (Kationens) na de Kathood, vun wegen dat sick + un - antreckt. Un de negativ opladen Ionen (Anionens) wannert denn na de Anood, vun wegen dat dor jo Plus is.
