Brill
From Wikipedia
De Brill is en optisch Instrument, dat mit Ohrenbögels vör de Ogen dragen warrt. De Korrekschoonsbrill deent darto, dat Sehn to verbetern, de Schutzbrill to'n Schutz vun de Ogen gegen schäädliche Strahlen, Splitters oder Wind. De Glöös vun de Korrekschoonsbrilln, de Linsen, mööt entweder konvex (krumm na buten) oder konkav (krumm na binnen) slepen warrn, je nadem, of se för kortsichtige oder wietsichtige Ogen bruukt warrt. De Breekkraft vun de Linsen warrt in Dioptrien angeven. In kombineerte Glöös sünd beide Sliepaarten vereenigt.
