Воздух

Од Википедија, слободна енциклопедија

Воздухот се наоѓа секаде околу нас. Секоја пукнатина, шуплина и простор е исполнет со воздух. Секој пат кога ќе вдишиме нашите бели дробови се исполнуваат со воздух. Иако воздухот не може да се види, проба или почувствува (освен ако не дува ветер), воздухот е „нешто“. Воздухот е супстанца или материја. Материјата може да биде во цврста, течна или гасовита состојба. Материјата која се вика „воздух“ скоро секогаш е во гасовита состојба. Во суштина, воздухот е составен од повеќе гасови. Два од нив: азот и кислород сочинуваат 99%. 78% азот и околу 21% кислород. Исто така постои и мало количество јаглерод диоксид кој живите суштества го издишуваат во воздухот. Останатиот 1% го чинат поретките гасови: аргон, неон, хелиум, криптон и ксенон. Големиот воздушен океан се протега многу километри над земјината површина, затоа што воздухот е материја и Земјината тежа го привлекува и го држи на Земјата. Така воздухот има своја тежина. Тежината на воздухот врши притисок. Ако човекот се качи на висока планина или патува со авион над него се наоѓа помалку воздух, затоа и притисокот е помал колку што е висината поголема. На висина од околу 15 км. притисокот изнесува 1/15 од притисокот на нивото на морето. А на висина од околу 100 км. притисок скоро и не постои.

Воздухот се состои од:

• 78% азот
• 21% кислород
• јаглерод двооксид
• други гасови