Бодан Арсовски

Од Википедија, слободна енциклопедија

ВНИМАНИЕ
На оваа статија ѝ е потребно правилно форматирање, категоризирање, граматика, интервики и слично. Може да помогнете со тоа што ќе ја уредите и трансформирате во стандардна вики-статија.

Бодан Арсовски е легендарен македонски басист кој свиреше во групата Леб и сол.

[уреди] Биографија

Бодан Арсовски е роден во Куманово во 1956 година. Бидејќи неговите родители рано се преселуваат за Скопје, во населбата Тафталиџе, каде и го запознава Влатко Стефановски, со кого во шеесетите години (тогаш Бодан беше во петто оделение) го оформија составот ВИС Јегуље (Вокално Инструментален Состав). Потоа и двајцата се најдоа во составот Ирис по што следеше искуството со клавијатуристот Мики Петковски во неговиот џез-рок бенд Брег. Бодан и Влатко со Коки Димушевски и со Димитрие Чучуровски на први јануари 1976. година го оформија Леб и сол, група во која единствено Бодан и Влатко за цело време беа постојани членови. Во дваесетте години на Леб и сол Бодан учествуваше во реализација на дванаесет албуми (два живи) и една компилација, многу музики за филмови, телевизија и театар. Во Леб и сол важноста на Бодан Арсовски беше идентична со умешноста на Влатко Стефановски и тие двајца како тандем беспрекорно функционираа цели 20 години. Како круна на заедничката работа во октомври 1990. година под налепница на нивната заедничка издавачка куќа Трето уво го промовираа првото нешто што не беше Леб и сол. Се работи за музички хороскоп - Зодиак - првиот македонски рок-балет и првото цеде во историјата на македонската музика. Без оглед што во создавањето на песните на Леб и сол Бодан Арсовски учествуваше како композитор и бас-гитарист (аранжманите ги работеа заеднички), во 1987. година на проектот Као какао Арсовски се јавува и како вокалист. Имено, Бодан таму ја отпеа песната Аутопут за која зборовите ги напиша драмскиот писател Горан Стефановски, брат му на Влатко. Од опусот на Леб и солкако авторски теми на Бодан се издвојуваат: Дамар, Како ти драго, Ручни рад, Скакавац, Тако близу, Суморно пролеќе... и уште многу други, незаборавни.

Последните денови на Леб и сол, кога веќе сите оригинални членови ги издадоа своите соло-проекти, во продажба се појавува деби ЦД-то на Бодан Арсовски, Endless view со осум инструментални теми. Како студиски соработници на Бодан на цедето се наоѓаат имињата на: легендарниот гајдаџија Пеце Атанасовски, Сабит Тахири (деф), ГоцеМицанов (сакс), Ѓоле Мишковски и Кокан Димушевски (клавијатури), Александар поп Христов (акустичен бас) и Зоран Јовановиќ - Лима (бас-кларинет и сопрано-сакс). Албумот одлично поминува во јавноста и со право се стекнува со епитетот една од најдобрите македонски плочи на сите времиња. Концертната промоција Бодан и неговиот пратечки состав Езгија Оркестра ја имаат во Скопје, пред преполнетата Универзална сала и на општа радост на бројната публика. По смртта на Пеце Атанасовски, еден од клучните луѓе на Езгија Оркестра и концертните активности на Бодан се намалуваат. Во 1996. и 1997. година своите активности тој ги концентрира кон театарот. Поточно, во соработка со режисерот Стојан Стојановски за сцените на велешкиот и на прилепскиот театар Бодан создава музика за античките трагедии Бахки и Медеа. Во подготовката на материјалот најголемиот дел од работите ги работи сам (свири на речиси сите инструменти), но во одделни нумери значајна помош ја има од снимените семплови на Пеце Атанасовски, додека неговиот син Иван свиреше синти-ситар. Цедето Tiresias каде се застапени овие театарски теми во јавноста се појавува во летото 1998. година. Во истиот временски период со својот Оркестар настапува на Етно фестивалот во Неум, каде има забележителен настап и каде изведува дел од композициите што ќе се најдат на следниот проект на Бодан и Езгија - Брокен Беатс. Материјалот за ова цеде го снима во своето студио во периодот од декември 1998. до јуни 1999. година, а комплетниот материјал (композициите) го има направено сам. Единствено во создавањето на оделни аранжмански теми учествуваат и некои членови на составот. Во снимањето, пак, покрај Бодан (електричен бас, глас) учествуваа и: Горан Бугариновски (флаута и глас), Сабит Тахири (деф, глас), Џијан Емин (клавијатури, глас), Гоце Стефковски (тапани), Ѓоле Грујоски (електрична гитара) и Симон Киселички (пиано). Пост-продукцијата ја работеше Кокан Димушевски, стариот Леб и соловец, а ефектниот омот за цедето е дело на Мирна Арсовска - сестрата на Бодан.

На 10. септември 1999. година во Скопје (Универзална сала) Бодан концертува на заеднички настап со Филип Глас, Џон Гибсон и Триото на Foday Musa Suso. Со својот пратечки состав, пак, ги претставува Искршените ритми во живо и пред скопјаните, кон крајот на истата година. За потребите на Советот за радио-дифузија во 2000. година во ограничен тираж излегува четвртиот соло-проект на Бодан Арсовски - Елегија, збир на девет инструментални и тажни песни. Истиот проект во 2001. година добива дозвола за официјална продажба, па дисковите Бодан ги печати во Австрија, под налепница на својата Езгија Рекордс.

Во текот на својата 25-годишната кариера Арсовски концертираше на голем број светски музички сцени, со и без Леб и сол. Така Бодан го слушнаа во: Њујорк, Чикаго, Вашингтон, Лондон, Париз, Амстердам, Праг, Белград, Загреб, Сараево, Љубљана, Солун, Скопје... Во август 2000. година Бодан и Езгија одржаа триумфален концерт во античкиот локалитет Стоби, во близина на Велес. Под мотото Татнежи во Стоби, со вистинското македонско етно, по 16. века е оживеано едено од клучните сценски места на древна Македонија. Но, моќната етно-машинерија тука, едноставно не запира. Имено, по повод издавањето на својата прва соло-најдоброто од... компилација, наречена Best of Bodan Arsovski, на која се најдоа најуспешните композиции од соло-периодот (од претходните четири албуми), во лето 2002 година, Бодан и Езгија повторно тргнаа на македонската турнеја по античките театри, а честа да ја доживеат исконската музика ја имаа жителите на: Охрид, Велес, Битола и Скопје, со настапите на локалитетите: Лихнидос, Стоби, Хераклеа и Скупи. Според плановите, материјалот од оваа невообичаена турнеја во блиска иднина би требало да се најде на ди-ви-ди формат, како прво македонско издание на ваквиот (засега најсовремен) носач на звук и слика. Моментно Бодан Арсовски работи на песните за новиот студиски албум, а патем и одржува концерти на поранешните ју-простори, и насекаде по европскиот континент.

[уреди] Дискографија

• Endless view (Езгија рекордс 1995.)
• Tiresias (Езгија рекордс 1998.)
• Broken Beats (Езгија рекордс 1999.)
• Елегија (Езгија рекордс 2001.)
• Best of Bodan Arsovski (Езгија рекордс 2002.)