Nau mai, haere mai, tomo mai
Tēnā koe! Haere mai! Kua hangaia te Wikipedia Māori hei mātāpunenga utukore, hei mātāpunenga māhorahora. Ko te nako o tēnei mātāpunenga he rerekē: ka taea e ia tangata, e ia tangata, te tuhituhi, te whakatika rānei, i ngā tuhipānui o te paetukutuku nei. Ināianei, te 20 o ngā rā o Hakihea, 2006, kua tae ki te 443 ngā tuhipānui o konei.
E hoa, e matatau rānei koe ki te Reo Māori? Tēnā koa, tuhia! Ko te nuinga o ngā tuhipānui he reo Māori; ko ētahi he wāhanga reo Ingarihi. Ko te mahi tuatahi, he waihanga tuhipānui hou. Ko te mahi tuarua mā tātou, he whakatika, he whakaroa i aua tuhipānui, ā, he whakamāori hoki i ngā tuhipānui reo Pākehā.
He wharenui nō Hauraki
Ko Hotunui he wharenui nō Ngāti Maru, Hauraki. Nā Wēpiha Apanui rāua ko tōna matua ko Apanui Te Hāmaiwaho te whare nei i whakairo. Nō te tau 1878 ka oti te hanga o Hotunui, hei takoha mō te mārena o Mereana, te tuahine a Wēpiha ki a Wīrope Hōterene Taipari, he rangatira o Ngāti Maru. Kei te Whare Pupuri Taonga i Tāmaki-makau-rau te whare ināianei. Ko Hotunui, tupuna o Ngāti Maru, te pūtake o te ingoa o te whare nei.
|
|
Ko te pōhutukawa - te tohu o te raumati
Hei te raumati, ka puta ngā pua o te pōhutukawa, he kura. I te wā i tata mai a Te Arawa ki uta, kite rawa mai ki te pōhutukawa o te tahatika e ura atu ana. Kātahi tētahi o ngā rangatira ka karanga ake, "E! kua nui ake te kura o tēnei kāinga i te kura o Hawaiki, ka panga ahau i āku kura ki te wai". Ehara, panga atu aua kura ki te wai. Ko te ingoa te tangata ko Tau-ninihi, nāna i panga atu a Tai-whakaea. Ū rawa mai rā ki uta, ehara kua pā atu ngā ringa ki aua pōhutukawa, ana, horo noa iho, kātahi rātou ka mahara he puāwai rākau ēnei mea. Muri tata iho, ka kitea aua kura a Tau-ninihi ki te one, nā Mahina i kite, koia tenei pepeha mō te mea kite, e, ka kitea te taonga makere, kāore e hoatu e au, tā te mea ko te paekura a Mahina.
He tuhipānui papai
Kua mōhio rānei koe...
Ko te whakaheke ngaru tētahi o ngā tākaro tawhito o te Ao, he mahi i whakahaerea e ngā tūpuna o ngā Māori, e ngā iwi katoa o Porinīhia? Kua hipa pea te 4000 tau i tīmata ai ngā tāngata o Porinīhia ki te whakaheke ngaru.
|
