Namesdaag

Van Wikipedia

Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.

---

Namesdaag ies binne 't Katholiek gelouf de viering van de sjterfdaag van 'ne heilge. Veurbeelde zin: Franciscus op 4 oktober, Hubertus op 3 november, Gerardus op 24 september, Elisabeth op 19 november, Theresia op 1 oktober of 15 oktober, Maria-Magdalena op 22 juli enz.

Es emes drager ies van 'ne veurnaam, dae 't zelfde ies of 'n aafkorting van eine bepaalde heilige, ouch waal heilige geneump, woort op dae sjterfaag ziene of häöre namesdaag gevierd. In de jaore 70 van de 20e ièw ies dat in ónbroek geraak. De verjäördaag van de eige geboorte krieg saer dan alle aandach.

Kèrmes ies 'n jaorliks truukkómmend fiès, dat dèks gevierd weurt ter gelegenheid van de namesdaag van de petroanheilige van 'n parochiekèrk.