Mofert
Van Wikipedia
- Dit artikel is gesjreve in 't Moferts. 't Weurt gewaardeerd óm in dit artikel 't Moferts aan te haje.
Mit Mofert kónne versjillende dinge bedoeld waere.
- De stad Mofert.`n Stad in de Nederlandse provincie Limburg.
- `t Kestieël Mofert. `n Kestieël vlakbie de stad Mofert.
- De Hieërlikheid Mofert. `n Hieërlikheid in de middelieëwe. (?-1277)
- `t Amb Mofert. `n Bestuursdistric in `t Euverkwarteer van Gelder. (1277-1794)
- De gemèndje Amb Mofert in de Nederlandse provincie Limburg.(1994-noe)
Inhawd |
[bewirk] De naam Mofert
De naam Mofert kump in versjillende variaties veur. Vreuger nome de luuj `t bliekbaar neet zoea nej mitte spelling van plaatsname. Angere variaties vanne plaatsnaam Mofert zeen: Montfort (de huidige Nederlandse naam van Mofert), Monfort, Monford, Moford, Monfoird, Monffoirt en Montfoort. De spelling Mofert kump in middelieëwse documente neet veur en duuk pas in 1906 op. In vastelaovesgezèt "Den Uul van den Grauwert" van det jaor weurd veur `t ieërs Mofert gesjreve. Opmèrkelik is, det Mofert doe consequent mit ein o gespeld waerde, terwiel in daen tied `t gebroekelik waas óm `ne lange klinker dubbel te sjrieve.
[bewirk] Verklaoringe
D'r zeen versjillende verklaoringe veur de naam te gaeve. Beide theorieje kónne auch de naam van de stad Montfoort inne provincie Utrecht verklaore.
[bewirk] Montfort
De naam Montfort kan `n sametrèkking zeen van Mons Fortis, waat letterlijk sterke berg of versterkte berg beteikendj. Montfort waas in de tied det Kestieël Mofert geboewd waerde `ne mode-naam veur kestieële. In Frankriek lègke nag gans get kestieële en plaatse mit dezelfde naam. Mont kan behalve berg auch de beteikenis van `n burch höbbe. Dan zou Montfort beteikene sterke burch.
[bewirk] Montfoort
`n Angere theorie is mieër gebaseert op Montfoort, wobie foort of voort `n doorwaadbare plaats in `n rivier beteikendj. Tösse Kestieël Mofert en de stad Mofert zou `n doorwaadbare plaats motte zeen gewaes in de Vloeatbaek. Montfoort zou dan de berg bie de voorde of de burch bie de voorde kónne beteikene.
- Dit is 'n verdudelikingspazjena.
