MediaWiki
Van Wikipedia
- Dit artikel is gesjreve in 't Valkebergs. 't Weurt gewaardeerd óm in dit artikel woe meugelik 't Valkebergs aan te hawte.
MediaWiki ies software woamèt me 'n wiki kènt opzètte. De software ies gesjreve in PHP en gebruuk MySQL es ónderliegkende relationele database. MediaWiki ies vriegegeve ónder de GNU General Public License. De software ies óntwiekkeld veur Wikipedia en weurt gebruuk door de Wikimedia-projekte en door ander wiki's.
MediaWiki ies gesjreve door de Duutsje bioloog Magnus Manske. De ièrsjte versie kaom oet op 25 januari 2002; daoveur drièjde Wikipedia op UseModWiki, dat in Perl gesjreve ies. Daonao ies MediaWiki wiejer óntwiekkeld en hersjreve, veural door Lee Daniel Crocker. In 2003 kreeg 't naamloos programma de naam MediaWiki. Saer 2004 ies Brion Vibber de belangriekste óntwiekkelaer van diet open-sourceprojek, woa-aan in 2005 miè es 60 programmäörsj mètdege.
