Keizer

Van Wikipedia

'ne Keizer haat naeëve wereldleke mach och geesteleke mach. 'ne Kunning haat alling wereldleke mach. Karel de Groete waoërt in 800 dan och dör d'r paus tut keizer gekruuënd. D'r paus waor d'r innige dae die geesteleke mach op 'ne kunning koes daoë uvvergaoë. In d'r Dom va Aoke ziet me op d'r oksaal d'r troeën va Keizer Karel en dae is gemakt van marmere vloerplate die aafkomstig zeunt oet Jerusalem en wal oet d'r tied dat Jezus Christus dao laefde. Op die plate is 'n saoërt mäölesjpil ingekratst dat in dae tied populaer waor. Jezus zow mäögelek èèges nog uvver die plate gelope hubbe. D'r troeën sjtèèt op 'n huuëgde en 't waor tradiesje dat de pelgrims oonder dae troeën durchkraoëpe um d'r hillig verklaorde Karel de Groete te ieëre. Och Napoleon zow väöl later dör d'r paus de keizerskroeën opgezat kriege mae op 't litste momaent haat Napoleon zich doe èèges die kroeën opgezat. De keizers van Japan waoërte bis in d'r vurrige ieëw es goddelek bezieë.