Walter Civitareale
Vu Wikipedia, der fräier Enzyklopedie.
De Walter Civitareale, gebuer den 2. August 1954 zu Déifferdeng, ass e lëtzebuergesche Pianist a Komponist.
Inhaltsverzeechnes |
[Änneren] Säi Liewen
Hien huet seng Étuden um Conservatoire National Supérieur de Musique de Paris bei dem Pierre Sancan, dem Jacques Parrenin an dem Pierre Max Dubois gemaacht. 1979 ass hien um Conservatoire Tchaïkovski zu Moskau ugeholl gin, wou hien Piano, Kompositioun, Orchestratioun an Direktioun studéiert huet.
De Walter Civitareale huet verschidde Wierker fir Orchester, Kammermusek, Pianoswierker an och en Ballet komponéiert. 1984 huet hie säi Concerto fir Piano zu Moskau am Kader vum Mee-Festival opgefouert. Säi Concerto Humoristique fir Bassklarinett an Harmoniesorchester ass um Mee-Festival 1988 zu Leningrad uropgefouert gin.
Zënter 1983 huet de Walter Civitareale eng Partie Tournéeen duerch Europa gemach an huet bei verschiddene Radios-Opnahme matgewierkt. Hien huet och mam Cellist Daniil Chafran a mam Orchester vu Leningrad gespillt.
De Walter Civitareale as Professor fir Piano um Stater Conservatoire (Conservatoire de la Ville de Luxembourg).
Säi Brudder, de Felice Civitareale ass Trompettist.
[Änneren] Wierker
- Oratorio pour les exclus, en Hommage un den Abbé Pierre, uropgefouert 1999 zu Esch-Uelzecht
- 3 Bagatelles fir Klarinettequartett
- Concerto pour violoncelle et orchestre
- Elegie und Liebeslied
- Concert pour violoncelle et orchestre vun 1986 ass en Hommage un de René Mertzig
- Concerto Humoristique fir Bassklarinett an Harmonie
[Änneren] Discographie
- Dos Guitarras, by: Manuel de Falla, Guido Santorsola, Mario Gangi, Walter Civitareale, Joaquin Prats, Sergio Tordini, 18 July, 1995.
