Simon Wright

Vu Wikipedia, der fräier Enzyklopedie.

De Simon Wright (* 19. Juni 1963 Manchester, Groussbritannien) ass e britesche Museker. Hie war vun 1983 bis 1990 Percussionist bei der australescher Hardrock-Band AC/DC.

De Simon gouf dem Phill Rudd säin Nofolleger. Hie gouf vun honnerte Percussionisten ausgewielt nodeems e sech op en Artikel am "Drummer wanted" am Melody Maker gemellt huet. Säin Tour-Debüt hat hien op der Flick of the Switch-Tour, déi vun Oktober bis Dezember 1983 duerch d'USA gefuer ass.

Ufank 1990 ass hie vun AC/DC fortgaangen, a gouf direkt bei Dio als Percussionist agesat. D'Band gouf awer kuerz drop vum Ronnie James Dio opgeléist.

Spéider ass de Simon e Member vun der US-amerikanescher Band Rhino Bucket ginn, déi e vergläichbare Stil wéi AC/DC huet. En hat awer keng Chnace, well och déi Band huet sech kuerz Zäit drop opgeléist.

Dunn ass hie bei UFO als Percussionist agestallt ginn.

A senger Fräizäit spillt de Simon gären Darts.

[Änneren] Discographie aus der Zäit mat AC/DC

• 1985 Fly on the Wall
• 1986 Who Made Who
• 1988 Blow Up Your Video

[Änneren] Bands

• bis 1980 Tora Tora
• 1980 - 1981 Aiiz
• 1982 - 1983 Tytan
• 1983 - 1990 AC/DC
• 1990 - ? Dio
• 1994 - 1995 Rhino Bucket
• 1995 - ? UFO