Nucatum
E Vicipaedia
Nucatum est bellariorum genus, quod ex saccharo melleve, nuce (amygdala, iuglande, pistacio, avellana puta) assata, et nonnumquam fructu conciso saccharo condito fit. Nucati spissitudo pendet ex compositione, et variat a lento usque ad durum. Nucatum album ex albumine bene agitato factum et mollis est, nucatum fuscum, contra, ex saccharo tosto factum, firmius.
Nucatum in Europa meridionali praecipue in pretio est, exempli gratia Monti Ademari in Francia, et tempore Festi Nativitatis in Hispania.
Nucatum quod in tabellis dulcibus hodiernis invenitur, vix simile est nucato translaticio, cum sit mixtura saccharosi et siropae maiziae, aerata cum albumine seu proteino hydrolyzato soyae. Nonnumquam insunt et adeps vegitabilis, pulvis lactis, et nux.
Nucatum Montiademarensis constat 30% vel plure ex amygdala, et 25% vel plure ex melle lavandulato.
[recensere] Turro
Turro seu Torro est species iberica nucati. Confieri solet ex mixtura mellis, sacchari (12%) et albuminis, amygdalis tostis et fractis tritisve (66%) inducta, saepissime in forma tabellae aut circelli ficta.
Aliae urbes alios turrones parant. Praeclarissimi sunt:
- Turro Sexonensis seu blandus: massa olei, mellis, sacchari, albuminis et amygdalae tritae, in forma lateris blandi et facilis essu.
- Turro Lucentinus seu durus: glaeba compacta amygdalae integrae in massa dura albuminis, mellis, et sacchari.
- Turro Sucronensis seu catti: ex maizio sufflato et melle cocto.
- Turro Agramontinus
Insulis autem Philippinis, turon indicat bananam saccharo fusco inductam in tracta involutam et frictam (et similia tragemata).
