Iacobus II Angliae Rex

E Vicipaedia

Iacobus II (Anglice James II; 14 Octobris 1633 - 5 Septembris 1701 Angliae rex erat a 1685 usque ad 1688 et nomine Iacobi VII Scotiae rex. Revolutione gloriosa (Anglice Glorious Revolution) expulsus est a Gulielmo III et Stuartus ultimus masculinus erat sedens in throno.

Natus est 14 Octobris 1633 filius tertius Caroli I et eius uxoris Henriettae de Gallia. 1672 conversus est ad Catholicismum.

Iacobus II, Angliae rex

15 Februarii 1660 matrimonio primo Annae Hydi nupsit, quacum genuit infantes

• Carolum (22 Octobris 1660 - 5 Maii 1661)
• Mariam II (30 Aprilis 1662 - 28 Decembris 1694)
• Iacobum (12 Iulii 1663 - 20 Iunii 1667)
• Annam (6 Februarii 1665 - 1 Augusti 1714)
• Carolum (4 Iulii 1666 - 22 Maii 1667)
• Edgarem (14 Septembris 1667 - 8 Iunii 1671)
• Henriettam (13 Ianuarii 1669 - 15 Novembris 1669)
• Catharinam (9 Februarii 1671 - 5 Decembris 1671)

Matrimonio secundo 1 Decembris 1673 Mariae Beatrici de Modena nupsit, quacum habuit infantes

• Catharinam Lauram (10 Ianuarii 1675 - 3 Octobris 1675)
• Isabellam (28 Augusti 1676 - 2 Martii 1681)
• Carolum (7 Novembris 1677 - 12 Decembris 1677)
• Elisabetham (natam mortuamque 1678)
• Carolam Mariam (16 Augusti 1682 - 6 Octobris 1682)
• Iacobum Francum, nominatum "the Old Pretender" (10 Iunii 1688 - 30 Decembris 1765)
• Luisam Mariam (28 Iunii 1692 - 18 Aprilis 1712)

Praeterea pater nothorum infantum

• Iacobi Fitzjames (21 Augusti 1670 - 12 Iunii 1734)
• Henriettae Fitzjames (1667 - 1730)
• Henrici Fitzjames (1673 - 1702)
• Arabellae Ignatiae Fitzjames (1674 - 1704)
• Catharinae Darnley (1680 - 1743)
• Iacobi Darnley (1684 - 1685)
• Caroli Darnley (1686 - 1687)

Iussu Iacobi, qui illo tempore Comes Eboraci et frater Angliae regis fuit, Ricardus Nicolls cum 450 militibus Anglicis intravit Americam apud Novum Amsterodamum. Vicum "Novum Eboracum" (Anglice "New York") nominavit nomine Iacobi utente. Iacobus etiam fuit "Lord High Admiral", dux summus classis. Proelio in mari acto apud Lowestoftum, 1665 classis magna Angliae sub eius ipsius iussu fuit et vicit classem Bataviae.

Iacobus, cum 1685 successor fieret fratris Caroli II, fidei atque potentiae postulationis causa a nobilibus Angliae maxime abnutatus est. 1688 tandem revolutione gloriosa expulsus. Rex novus factus est maritus filiae suae, Gulielmus de Orania (Gulielmus III). Iacobus primo fugit Hiberniam, ubi 1690 a Gulielmo victus est. Deinde Galliam fugit et tandem mortuus 5 Septembris 1701 apud Lutetiam.