Camelopardalis (sidus)
E Vicipaedia
| Data Camelopardalis constellationis | |
|---|---|
| Nomen | Camelopardalis |
| Genetivus | Camelopardalis |
| Abbreviatio | Cam |
| Situs | in linea aequinoctiali caeli |
| Ascensio recta | 3 h 15 min ad 14 h 27 min |
| Declinatio | +52° 39' ad +86° 05' |
| Area | 757 gradus quadrati ordo: 18 |
| Videri potest inter | +90° ac -37° |
| Numerus stellarum magnitudinis < 3m |
nullae |
| Stella lucidissima, Magnitudo |
β Cam, 4,03m |
| Constellationes vicinae (a septentrionalibus sensu negativo) |
Cassiopeia |
Camelopardalis ampla quaedam constellatio caeli septentrionalis sine stellis lucidioribus est.
Inter constellationes claras Ursam Maiorem ac Cassiopeiam et stellas praeclaras Polarim (in Ursa Minore sita) ac Capellam (in Auriga sita) magna area se pertinet, qua in area nullae stellae lucidiores sunt. Hac in regione Camelopardalis sita est, tantum e stellis quartae, quintae, sextae magnitudinis composita.
Stella lucidissima β Camelopardalis magnitudine 4,m03 est.
[recensere] De historia
In temporibus antiquis stellae Camelopardalis nullo in sidere erant. Tandem vir doctus Batavus Petrus Plancius anno 1613 Camelopardalem descripsit, videlicet ut quasi „lacunam“ in caelo sitam compleret. Astronomus Germanus Iacobus Bartschius anno 1624 eam constellationem in libro suo Planisphaerium Stellaris appellato nomine Cameli commemoravit.
[recensere] Stellae
β Camelopardalis stellarum duplicum systema 998 spatia lucis annuae remotum est. Stella principalis e classe spectrali G0 Ib est, cum comes candida classis spectralis A5 sit.
11 Camelopardalis circiter 600 sla a Sole remota e stellis classium spectralium B3 et K0 constat.
