აგვისტო, 2005

ვიკიპედიიდან

2005 წლის მოვლენები:

[რედაქტირება] საქართველო

31 აგვისტო - გამოქვეყნდა საქართველოში ჩატარებული პირველი ერთიანი ეროვნული გამოცდების საბოლოო შედეგები.
30 აგვისტო - დეპუტატმა დავით ზურაბიშვილმა დატოვა საპარლამენტო უმრავლესობის რიგები.
27 აგვისტო - შსს სპეციალურმა ოპერატიულმა დეპარტამენტმა დააკავა ჟურნალისტი შალვა რამიშვილი, რომელსაც პარლამენტის დეპუტატისათვის თანხის გამოძალვა ბრალდება.
25 აგვისტო - ქალაქ რუსთავის მერად გარდაბნის ყოფილი გამგებელი დავით ნადაშვილი დაინიშნა.
22 აგვისტო - საზოგადოებრივი ტელემაუწყებლობის ახალი გენერალური დირექტორი თამარ კინწურაშვილი ოფიციალურად შეუდგა მოვალეობის შესრულებას.
21 აგვისტო - საქართველოს პრეზიდენტი არაოფიციალური ვიზიტით სომხეთს ეწვია.
12 აგვისტო - საქართველოს ორდღიანი არაოფიციალური ვიზიტით ესტუმრა უკრაინის პრეზიდენტი ვ.იუშჩენკო. ორი ქვეყნის პრეზიდენტებმა ხელი მოაწერეს ე.წ. ბორჯომის დეკლარაციას.
10 აგვისტო - ბაქო-თბილისი-ჯეიჰანის ნავთობსადენით კასპიის ზღვიდან ამოღებულმა ნავთობმა საქართველო-აზერბაიჯანის საზღვარი გადაკვეთა.
9 აგვისტო - იმერეთის მხარის ახალ გუბერნატორად ხონის მაჟორიტარი დეპუტატი აკაკი ბობოხიძე დაინიშნა.
4 აგვისტო - შხარას მწვერვალზე ჩამოწოლილმა ზვავმა ორი კანადელი სტუმარი ჩაითრია. ერთი მათგანი სასწაულებრივად გადაურჩა სიკვდილს.

[რედაქტირება] უცხოეთი

31 აგვისტო - გდანსკი, პოლონეთი. სოლიდარობის მოედანზე ევროპული სოლიდარობის ცენტრის დაარსების საზეიმო ცერემონია გაიმართა, რომელსაც 20-ზე მეტი სახელმწიფო მეთაური ესწრებოდა, მათ შორის საქართველოს პრეზიდენტი მიხეილ სააკაშვილი. ღონისძიების ინიციატორი იყო პოლონეთის ყოფილი პრეზიდენტი და მოძრაობა "სოლიდარობის" დამფუძნებელი ლეხ ვალენსა.
29 აგვისტო - მინსკი, ბელარუსი. ახალგაზრდული ორგანიზაცია ”კმარას” ორ წევრს მინსკის სასამართლომ 15 დღით თავისუფლების აღკვეთა მიუსაჯა.
26 აგვისტო - ყაზანი, რუსეთი. თათარსტანის დედაქალაქის 1000 წლისთავთან დაკავშირებით აქ ჩატარდა დსთ-ს სახელმწიფო მეთაურთა მორიგი სამიტი. ამ შეხვედრაზე თურქმენეთის წარმოადგენელმა ოფიციალურად გამოაცხადა დსთ-დან ამ ქვეყნის გასვლის გამო.
26 აგვისტო - ფლორიდა, აშშ. ძლიერი სტიქია მძვინვარებს აშშ-ს სამხრეთ სანაპიროებთან. კარიბის ზღვიდან მას ქარიშხალმა ”კატერინამ” შეუტია.
24 აგვისტო - უკრაინა. საზეიმოდ აღინიშნა უკრაინის დამოუკიდებლობის დღე.
22 აგვისტო - ისრაელი. იერუსალიმის ახალ მართლმადიდებელ პატრიარქად 57 წლის არქიეპისკოპოსი თეოფინე აირჩია.
20 აგვისტო - ისრაელი. დასრულდა ღაზას სექტორიდან ებრაული დასახლებების ევაკუაცია.
18 აგვისტო - ვატიკანი. რომის პაპი ბენედიქტე მე-16 თავისი პირველი პფიციალური ვიზიტით სამშობლოში, გერმანიაში ჩავიდა.
15 აგვისტო - ყირგიზეთი. ქვეყნის პრემიერ-მინისტრი გახდა ფელიქს კულოვი.
13 აგვისტო - შრი-ლანკა. ქვეყნის პრეზიდენტის ლაქშმან კადირგარამის მკვლელობის გამო საგანგებო მდგომარეობა გამოცხადდა.
12 აგვისტო - რუსეთი. შესრულდა 5 წელი ატომური წყალქვეშა ნავის ”კურსკის” ტრაგედიიდან.
9 აგვისტო - აშშ. კოსმოსური ხომალდი ”დისქავერი” დედამიწაზე წარმატებით დაეშვა.
6 აგვისტო - ყირიმი, უკრაინა. ”მშვიდობის ფარი 2005” - ამ სახელწოდებით სამხედრო დაიწყო, რომელშიც მონაწილეობენ ამერიკელი, უკრაინელი, ქართველი და აზერბაიჯანელი სამხედროები.
6 აგვისტო - ხიროსიმა, იაპონია. აღინიშნა ხიროსიმის ტრაგიკული მოვლენების 60 წლისთავი.
3 აგვისტო - თეირანი, ირანი. მაჰმუდ აჰმადი-ნეჯადი ირანის პრეზიდენტად აკურთხეს.
1 აგვისტო - საუდის არაბეთი. პრინცი აბდულა საუდის არაბეთის მეფე გახდა. იგი ტახტზე ავიდა მამის ფაჰდი ბენ აბდელაზიზის გარდაცვალების შემდეგ.