Aristófanes frá Býzantíon

Úr Wikipediu, frjálsa alfræðiritinu

Aristófanes frá Býzantíon (Ἀριστοφάνης) (Býzantíon 257 – Alexandría 180 f.Kr.) var grískur fræðimaður, einkum þekktur fyrir framlag sitt til Hómersfræða en einnig fyrir textafræðilega vinnu sína á textum annarra klassískra höfunda fornaldar, svo sem Pindarosar og Hesíódosar. Hann tók við af Eratosþenesi sem bókasafnsstjóri við bókasafnið í Alexandríu.

Aristófanesi er eignuð uppfinning ákvæðismerkja sem notuð eru í grísku til að gefa til kynna framburð. Ákvæðismerkin urðu nauðsynleg þegar ítónun grískunnar vék fyrir áherslum á helleníska tímanum. Á þessum tíma breiddist gríska hratt út um mikil landsvæði í kjölfar sigra Alexanders mikla og hlaut stöðu alþjóðlegs samskiptamáls, lingua franca, í austri (og tók við af ýmsum semískum málum). Ákvæðismerkjunum var ætlað að leiðbeina um framburð grísku í eldri bókmenntaverkum.

[breyta] Heimild

• Greinin „Aristophanes of Byzantium“ á ensku útgáfu Wikipedia. Sótt 25. júlí 2006.

[breyta] Tengt efni

• Aristarkos frá Samóþrake
• Hómersfræði

Þessi grein sem fjallar um fornfræðilegt efni er stubbur. Þú getur hjálpað til með því að bæta við hana

Þessi grein sem fjallar um sagnfræðilegt efni er stubbur. Þú getur hjálpað til með því að bæta við hana