Ævintýralandið Narnía

Úr Wikipediu, frjálsa alfræðiritinu

Ævintýralandið Narnía (enska: The Chronicles of Narnia) er ritröð ævintýrabóka eftir C. S. Lewis. Bækurnar eru sjö og fjalla að mestu um fjögur börn sem fyrir tilviljun flækjast í ævintýraheim Narníu, þar sem dýrin geta talað, galdrar eru viðteknir, og hið góða stríðir gegn hinu illa. Sögurnar útskýra á aðgengilegan hátt fyrir börn nokkur af þemunum í kristnum sið. Þó er rétt að taka fram að bækurnar eru skrifaðar svo að hægt er að lesa þær án þess að vera með kristni sérstaklega í huga. Disney-fyrirtækið hefur kvikmyndað Ljónið, nornina og skápinn, en sú mynd kom út í desember 2005, og er að kvikmynda Kaspían konungsson, sem á að frumsýna í desember 2007.

Pauline Baynes myndskreytti fyrstu útgefnu ritröðina.

[breyta] Listi yfir bækurnar í ritröðinni

Tvær aðferðir eru til við að raða bókunum, eftir útgáfuári eða í röðinni sem þær eiga að gerast í. Þegar þær voru fyrst gefnar út voru bækurnar ekki tölusettar, en þegar þær komu fyrst út í Bandríkjunum tölusetti útgefandinn Macmillan þær í útgáfuröð. Þegar HarperCollins bókaútgáfan tók við bókaflokknum raðaði hún þeim upp í þeirri röð sem sögurnar gerast, að tillögu Douglas Gresham, stjúpsonar Lewis.

[breyta] Útgáfuröð

1. Ljónið, nornin og skápurinn — The Lion, the Witch and the Wardrobe (1950)
2. Kaspían konungsson — Prince Caspian (1951)
3. Sigling Dagfara — The Voyage of the Dawn Treader (1952)
4. Silfurstóllinn — The Silver Chair (1953)
5. Hesturinn og drengurinn hans — The Horse and His Boy (1954)
6. Frændi töframannsins — The Magician's Nephew (1955)
7. Lokaorrustan — The Last Battle (1956)

[breyta] Tímaröð

1. Frændi töframannsins
2. Ljónið, nornin og skápurinn
3. Hesturinn og drengurinn hans
4. Kaspían konungsson
5. Sigling Dagfara
6. Silfurstóllinn
7. Lokaorrustan