Angkor Wat
From Wikipedia
Angkor Wat esas en Kambodja anciena templal areo. Angkor Wat esas anke nacionala simbolo di Kambodja ed lua centrala templo kin-turma esas deskriptita kom silueto en la flago dil stato.
Angkor Wat jacar en nord-west Kambodja, kelka kilometri a nordo de Siem Reap. La centrala templo esas dedikita a Hindu-deo Vishnu. La templo konstruktesis de 1113 til 1150 dum la regno dil rejo Surayavarman 2ma. La maxim extera muro esas 1.025 m · 800 m. (La bazo dil piramido di Kheops esas nur dek-e-kinima.)
La rektangulal areo central esas cirkondita per fosato qua esas preske 200 metri larja. En Hindu-kosmologio la fosato simbolesas l’ oceano cirkondanta la mondo e la templo reprezentas la mondo e lua centrala templo reprezentas la santa Meru-monto, la centro-punto dil mondo.
La centrala templo kontenas tri terasi, cirkondanta per muro. La extera teraso esas plu basa kam interna. Sur la triesma, la maxim interna teraso acensas kin turmi pineatra, quar en anguli e 65-metra centre. La muri esas kovrita da reliefi.
Angkor Wat esas anke mausoleumo (sepulteyo), la lasta resteyo dil rejo. Diferante de altri templi, la chefa portalo esas en westo, en la sinkeyo dil suno, quo simbolesas la morto.
