Kalding

From Wikipedia

Kalding

Bulog a kalding

Panakaidasig iti Siensia

Pagarian:	Animalia
Phylum:	Chordata
Klase:	Mammalia
Order:	Artiodactyla
Familia:	Bovidae
Subfamily:	Caprinae
Genus:	Capra Linnaeus, 1758

Species

Kitaen ti Species ken subspecies

Ti kalding ket maysa a mammal iti genus a Capra nga addaan siam nga species]]: ti Ibex, ti West Caucasian Tur, ti East Caucasian Tur, ti Markhor, ken ti Atap a Kalding.

Ti ayup a kadawyan a maawagan iti "kalding" ket isu ti napaamo wenno domestico a kalding (Capra aegagrus hircus), a domesticado a subspecies ti Atap a Kalding. Dagiti kalding ket bovid a kamkameng ti family Bovidae) ken dagiti caprins (SubFamilia Caprinae). Agngatingat dagiti kalding, addaanda iti boksit nga uppat ti siledna a mangak-akem iti pannakagiling a nalaing ti taraonda.

[baliwan] Species ken subspecies

Capra aegagrus - atap a kalding (Bezoar Goat, Pasang)
- Capra aegagrus hircus - domestico a kalding
- Capra aegagrus creticus - kri-kri (Cretan goat, Agrimi, Cretan ibex)
Capra caucasia - West Caucasian tur
Capra cylindricornis - East Caucasian tur
Capra hircus - Cashmere goat
Capra falconeri - markhor
- Capra falconeri heptneri - Bukharan markhor
- Capra falconeri chialtanensis - Chialtan markhor
- Capra falconeri megaceros - straight-horned markhor
- Capra falconeri jerdoni - Suleman markhor
Capra ibex - alpine ibex
- Capra ibex ibex
- Capra ibex nubiana - Nubian ibex
- Capra ibex sibirica - Asiatic ibex
Capra pyrenaica - Spanish ibex
- Capra pyrenaica pyrenaica - Pyrenean Ibex†
- Capra pyrenaica lusitanica - Portuguese Ibex†
Capra walie - Walia ibex

[baliwan] Panagtaraken ken pakaaramatan

Kaykayat ti kalding dagiti nakayo ken naruot nga species a mulmula, kanenna nga umuna dagiti naganus nga uggot ken bulbulong sananto ipababa a kanen dagiti dadduma a bulbulong ken no dadduma pati ubbak ti mula.
Ladawan ni Scott Bauer para iti USDA

Ti domesticado a kalding, Capra aegagrus hircus, ket maysa kadagiti kabayaganen a matartaraken nga species. Iti rinibribun a tawtawen, maar-aramat iti intero a sangalubongan ti domesticado a kalding a taudan ti gatas, karne (maawagan iti chevon), buok, ken lalat. Iti naudi a siglo, naglatak met ti kalding kas taraken iti balay.

Ti lalat ti kalding ket nalatak a maus-usar iti Tengnga a Pampanawen kas pagiboteliaan iti danum ken arak iti panagdaliasat, ken kas papel a pagsuratan iti sumagmamano a rehion.

Ti karne ken gatas ti kalding ket maar-aramat agpapan ita, ngem saanen a gagangay iti Estados Unidos a kas kadagiti dadduma a rehion iti lubong. Maibilang ti gatas ti kalding kas universal a gatas agsipud ta mabalin nga ipauneg ti adu a mammal. Iti Filipinas, popular ti kalding kas karne a masida ket nalatak kadagiti luto a Filipino a kas iti caldereta ken adobo. Iti Kailokuan, masansan a kalding ti kaykayat dagiti Ilokano a lutuen kas pinapaitan ken kilawen.