Montevideo
Na Galipedia, a wikipedia en galego.
Montevideo é a capital e cidade máis grande de Uruguai. É ademáis sede administrativa de Mercosur.
Índice |
[editar] Xeografía
Montevideo é a capital máis austral de América do Sur, situada a 34º 53' de latitude sur e 56º 10' de lonxitude oeste. Úbicase na zona sur do país, con costas sobre o Río da Plata, dentro do departamento homónimo. Posúe unha superficie de 530 qm² (onde aproximadamente o 60% é área rural e o restante 40% área urbanizada ou potencialmente urbanizable). A súa máxima elevación é o Cerro de Montevideo, con 132 metros de altura.
[editar] Demografía
Posúe unha poboación de 1.330.405 habitantes (1996) e unha densidade de 2.510,2 hab./km². Considerando a súa área metropolitana, Montevideo chega ós 1.668.335 habitantes, aproximadamente a metade da poboación total do país. O xentilicio para os seus habitantes é montevideano/a.
[editar] Historia
Entre 1860 e 1683, para desafiar a soberanía española na rexión, os colonizadores portugueses de Brasil estableceron diversos asentamentos sobre as costas do Río da Plata, fronte a Bos Aires, como a Nova Colonia do Sacramento. Nembargantes, os españois non efectuaron ningún intento para desaloxar ós portugueses ata 1723, cando éstes comezaron a fortificar as alturas que rodean a bahía de Montevideo. Unha expedición española provinte de Bos Aires, organizada polo gobernador español nesa cidade, Bruno Mauricio de Zabala, obligou ós portugueses a abandoar o lugar no que os españois comezaron a poboar a nova cidade. O 20 de decembro de 1726 confeccionouse un padrón de habitantes, e finalmente o 24 de decembro trazouse un plano delineatorio da cidade e designouse como "San Felipe e Santiago de Montevideo", nome que posteriormente sería abreviado en Montevideo. No 1828, a cidade converteuse na capital de Uruguai.
[editar] Orixe do nome
Existen alomenos dúas explicacións acerca da orixe do nome Montevideo: a primeira afirma que o nome provén da expresión en portugués "Monte vide eu", que significa "Eu vin o monte", frase pronunciada por un mariño anónimo pertencente a excursión de Hernando de Magallanes ó divisar o Cerro de Montevideo. A segunda di que os españois anotaron a situación xeográfica nun mapa como "Monte VI De Este a Oeste".
