Imperio Antigo
Na Galipedia, a wikipedia en galego.
|
Serie de artigos sobre a
|
| Historia do Exipto |
 |
| Historia do Exipto Antigo |
| O Exipto greco-romano |
| O Exipto árabe |
| O Exipto otomano |
| Muhammad Alí e os seus sucesores |
| Historia do Exipto contemporáneo |
O Imperio Antigo de Exipto (2700-2134 a.c.) é o período no que se construíron as grandes pirámides e durante o que reinaron os faraóns das seguintes dinastías: Dinastía III. Dinastía IV. Dinastía V. Dinastía VI.
A cidade máis poderosa deste período foi Menfis, a primeira capital do Exipto unido. Abidos, no norte, foi a primeira cidade funeraria, se ben máis tarde os faraóns preferiron Saqqara, perto da capital.
O Imperio Antigo iníciase coa III dinastía, cuxo segundo faraón, Zoser (2630-2611 a.c.), foi inmortalizado grazas ás impresionantes construcións realizadas baixo a dirección do seu primeiro funcionario Imhotep. Nomeadamente, a pirámide escalonada de Saqqara, na que substituíu os tixolos por pedra como elemento construtivo e introducíu as columnas (adosadas).
A IV dinastía (2726-2563 a.c.) é a dos grandes construtores de pirámides. Os rasgos típicos e esenciais deste tipo de sepultura real ficaron establecidos con unha das dúas que Snefru, o fundador da dinastía, fixo constuir en Dahshur: pirámide con cámara sepulcral excavada debaixo, na rocha; foxo arrodeándoa, templo funerario e templo exterior, unido ao río mediante unha canle pola que chegaba o barco funerario. Tres dos seus sucesores, Khufu (Queóps), Khefren e Menkaure (Micerinos) foron os construtores das grandes pirámides de Giza: Khufu ergueu a Gran Pirámide; Khefren, ademáis da súa pirámide mandou esculpir a Esfinxe, e a terceira pirámide do complexo é a de Menkaure, que ficou inacabada debido á decadencia posterior. Kheops foi descrito posteriormente como un tirano cruel que escravizou aos seus súbditos.
Durante a V dinastía (2563-2423 a.c.) deixouse de construir grandes pirámides. As tumbas señoriais son, pola contra, máis suntuosas que con anterioridade, constrúense en províncias e decóranse con escenas cotidiás. Reviviuse o culto a Re e á súa filla Hathor, en honra a quen se ergueron varios templos.
A economía foise debilitando cos últimos reis da VI dinastía, como reflexa o tamaño cada vez menor das últimas pirámides de Saqqara e Abusir. O longo reinado de Pepi II (2278-2184 a.C) contribuíu a agravar a situación provocada por sucesivas más colleitas e a debilidade dos seus últimos anos. Sucedeulle a primeira raíña de Exipto, Nitocris, que nada puido facer para impedir o declinio.
