Freddie Mercury
Na Galipedia, a wikipedia en galego.
Freddie Mercury foi o cantante e líder do grupo británico de rock Queen.
Naceu o 5 de setembro de 1946 en Stone Town, Zanzíbar, co nome de Farrokh Bulsara, fillo de Bomi, funcionario da Corte Suprema do goberno británico, e Jer Bulsara. Tivo unha irmá, Kashmira Bulsara-Cooke. Ó pouco tempo, os seus pais trasladáronse a Bombai. En 1954 foise a estudar ó colexio St. Peter en Panchagani, a uns 80 quilómetros de Bombai. Foi alí onde os seus amigos comezaron a chamalo Freddie, nome que a familia tamén adoptou.
Sen dúbida, unha des mellores voces que deu o rock no século XX, dotada dun extraordinario rexistro (cubría tres oitavas e media), e coa que cantou unha gran variedade de estilos musicais.
Tanto a carreira como vocalista principal do grupo Queen como en solitario foron incriblemente exitosas, realizando os concertos con maior asistencia da época.
Entre as súas numerosas interpretacións cabe destacar o seu disco coa diva Montserrat Caballé para a que escribiu unha canción adicada á súa cidade, Barcelona, que posteriormente sería seleccionada para ser cantada nos Xogos Olímpicos de 1992, aínda que desgrazadamente non puido interpretala alí como estaba previsto, debido á súa temprana morte, sendo sustituido polo tenor José Carreras.
O 24 de novembro de 1991 falece a causa da SIDA, un día despois de anunciar publicamente a grave enfermidade que padecía. Foi unha gran perda no mundo musical.